തിരുവനന്തപുരം: കുടുംബശ്രീ സംസ്ഥാന മിഷന് കീഴില്‍ ജോലി നേടാൻ അവസരം. DDUGKY പദ്ധതിക്ക് കീഴില്‍ അക്കൗണ്ടന്റിനെയാണ് നിയമിക്കുന്നത്.
ആകെ ഒരു ഒഴിവാണുള്ളത്. കരാർ അടിസ്ഥാനത്തില്‍ താല്‍ക്കാലിക നിയമനമായിരിക്കും നടക്കുക. താല്‍പര്യമുള്ളവർക്ക് കേരള സർക്കാർ സിഎംഡി വെബ്സൈറ്റ് മുഖേന ഓണ്‍ലൈൻ അപേക്ഷ നല്‍കണം.
അവസാന തീയതി: ഒക്ടോബർ 05
Whatsapp Group 1 | Whatsapp Group 2 |Telegram Group
തസ്തികയും ഒഴിവുകളും
കുടുംബശ്രീ മിഷനില്‍ അക്കൗണ്ടന്റ്. ആകെ ഒഴിവുകള്‍ 01.
കരാറില്‍ ഏർപ്പെടുന്ന ദിവസം മുതല്‍ 31.03.2026 വരെയായിരിക്കും ജോലിയുടെ കാലയളവ്. അതിനുശേഷം പ്രവർത്തന മികവിന്റെ അടിസ്ഥാനത്തില്‍ കരാർ ദീർഘിപ്പിക്കും.
പ്രായപരിധി
40 വയസ് വരെയാണ് പ്രായപരിധി. പ്രായം 31.08.2025 അടിസ്ഥാനമാക്കി കണക്കാക്കും.
യോഗ്യത
ബികോം, ഡിസിഎ, ടാലി യോഗ്യതയുണ്ടായിരിക്കണം.
സർക്കാർ, അർദ്ധ സർക്കാർ, പൊതുമേഖല സ്ഥാപനങ്ങള്‍, സർക്കാർ അംഗീകൃത സ്വയംഭരണ സ്ഥാപനങ്ങള്‍, മറ്റ് സർക്കാർ അംഗീകൃത സ്ഥാപനങ്ങള്‍/ പ്രോജക്ടുകള്‍, കുടുംബശ്രീ എന്നിവയിലേതിലെങ്കിലും അക്കൗണ്ടന്റായി 3 വർഷത്തെ പ്രവൃത്തി പരിചയം വേണം.
ശമ്പളം
തെരഞ്ഞെടുക്കപ്പെടുന്നവർക്ക് പ്രതിമാസം 35,000 രൂപ ശമ്പളമായി ലഭിക്കും.
തെരഞ്ഞെടുപ്പ്
അപേക്ഷകള്‍ പരിശോധിച്ച്‌ സ്ക്രീനിങ് നടത്തിയാണ് തിരഞ്ഞെടുപ്പ്. അപേക്ഷകർ പ്രവൃത്തി പരിചയ സർട്ടിഫിക്കറ്റ് അപേക്ഷയോടൊപ്പം നല്‍കണം.
അപേക്ഷിക്കേണ്ട വിധം
താല്‍പര്യമുള്ളവർ സിഎംഡി വെബ്സൈറ്റ് സന്ദർശിക്കുക. ശേഷം നോട്ടിഫിക്കേഷൻ പേജില്‍ നിന്ന് കുടുംബശ്രീ അക്കൗണ്ടന്റ് തിരഞ്ഞെടുക്കുക. വിശദമായ വിജ്ഞാപനം പൂർണമായും വായിച്ച്‌ മനസിലാക്കി ഒക്ടോബർ 05ന് മുൻപായി അപേക്ഷ നല്‍കണം.
കുടുതല്‍ വിവരങ്ങള്‍
അപേക്ഷകള്‍ കുടുംബശ്രീ ജില്ലാ മിഷനുകളിലോ, സംസ്ഥാന മിഷനിലോ യാതൊരു കാരണവശാലും സ്വീകരിക്കുന്നതല്ല. കൂടാതെ ഓണ്‍ലൈൻ അല്ലാതെ ലഭിക്കുന്ന അപേക്ഷകളും, യതാസമയം ലഭിക്കാത്ത അപേക്ഷകളും, അംഗീകരിച്ച യോഗ്യതകള്‍ ഇല്ലാത്തതുമായ അപേക്ഷകളും പരിഗണിക്കില്ല.
നിയമനം തീർത്തും കരാർ അടിസ്ഥാനത്തിലായിരിക്കും. ഉദ്യോഗാർഥികള്‍ക്ക് ഈ വകുപ്പിലോ, തസ്തികയിലോ, മറ്റേതെങ്കിലും തസ്തികയിലോ സ്ഥിരപ്പെടുന്നതിന് യാതൊരു അർഹതയും ഉണ്ടാവില്ലെന്നും സിഎംഡി അറിയിച്ചിട്ടുണ്ട്.
