ഒറ്റമഴയിൽ കുടയംപടി കുളമായി: വെള്ളക്കെട്ടിൽ മുങ്ങി കുടയംപടി ജംഗ്ഷനും പരിസരവും; മഴ ചതിച്ചത് വാഹന യാത്രക്കാരെ, കോടികൾ മുടക്കി പണിത റോഡിലെ കുഴിയിൽ നിന്നും കരകയറാനാവാതെ കുടയം പടിക്കാർ

തേർഡ് ഐ ബ്യൂറോ

കോട്ടയം: അപ്രതീക്ഷിതമായുണ്ടായ വേനൽമഴയിൽ കുടയംപടി വെള്ളത്തിൽ മുങ്ങി. കഴിഞ്ഞ ദിവസത്തെ ഒറ്റ മഴയിലാണ് കുടയംപടി ജംഗ്ഷൻ വെള്ളത്തിൽ മുങ്ങിയത്. ഇതോടെ ഇരുചക്ര വാഹനയാത്രക്കാർ അടക്കമുള്ളവർ ദുരിതത്തിലായി. കോടി ക്കണക്കിന് രൂപ മുടക്കി പണിത കുടയം പടി മെഡിക്കൽ കോളേജ് റോഡിലാണ് ഈ ദുരവസ്ഥ,, മെഡിക്കൽ കോളേജിലേക്ക്  എത്തിയ ആംബുലൻസ് അടക്കം വെള്ളത്തിൽ കുടുങ്ങി

കഴിഞ്ഞ ദിവസം പെയ്ത മഴയിലാണ് കുടയം പടി ജംഗ്ഷൻ വെള്ളക്കെട്ടായി മാറിയത്. കോട്ടയത്തു നിന്നും മെഡിക്കൽ കോളജ് ആശുപത്രി അടക്കമുള്ള സ്ഥലങ്ങളിലേയ്ക്കുള്ള പ്രധാന വഴിയിലാണ് കുടയം പടി ജംഗ്ഷൻ.

ഇതു വഴി നൂറ് കണക്കിന് വാഹനങ്ങളാണ് ദിവസവും കടന്ന് പോകുന്നത്. എന്നാൽ ,കഴിഞ്ഞ ദിവസം റോഡിൽ വെള്ളക്കെട്ട് രൂപപ്പെട്ടതോടെ ഇത് വഴി വാഹനങ്ങൾ കടന്ന് പോകുമ്പോൾ ഗതാഗതക്കുരുക്ക് അനുഭവപ്പെട്ടു. ആംബുലൻസുകൾ അടക്കം നിരവധി വാഹനങ്ങൾ ഈ കുരുക്കിൽപ്പെട്ടു.

മുട്ടിന് അടുത്ത് വെള്ളമാണ് റോഡിൽ കെട്ടി നിന്നത്. ഇതേ തുടർന്ന് വാഹനങ്ങൾക്ക് ഒച്ചിഴയും വേഗമായിരുന്നു. കുടയം പടി റോഡിലെ വെള്ളക്കെട്ട് മാറ്റാൻ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം. കുടയംപടി , പരിപ്പ് , അയ്മനം , ഒളശ പ്രദേശങ്ങളിലേയ്ക്കുള്ള പ്രധാന യാത്രാമാർഗം ആണ് കുടയം പടി.