കുടയംപടി മുതൽ അയ്മനം വരെ വഴിവിളക്കുകൾ കണ്ണടച്ചു: തപ്പിതടഞ്ഞ് വഴിയാത്രക്കാർ: പുലർച്ചെ നടപ്പുകാർക്കും ബുദ്ധിമുട്ടായി: തെരുവ് നായ്ക്കളും ഭീഷണി

അയ്മനം : കുടയംപടി -പരിപ്പ് റോഡിലെ വഴിവിളക്കുകൾ കണ്ണടച്ചിട്ട് ദിവസങ്ങളായി. പഞ്ചായത്ത് അധികൃതർക്ക് കണ്ട ഭാവമില്ല.

Link

Embed

Copy and paste this HTML code into your webpage to embed.

പുനർനിർമ്മാണം പൂർത്തിയാക്കിയ റോഡിൽ ആധുനിക രീതിയിലുള്ള എൽഇഡി ലൈറ്റുകൾ സ്ഥാപിച്ചെങ്കിലും അതിന്റെ പ്രയോജനം വഴിയാത്രക്കാർക്ക് ലഭിക്കുന്നില്ല.

കുടയംപടി മുതൽ അയ്മനം വരെയുള്ള പ്രധാന റോഡ് ഇരുട്ടിൽ ആണ്. വെളിച്ചമില്ലാത്തതിനാൽ തെരുവ് നായ്ക്കളുടെ ശല്യം കാരണം വഴി യാത്രക്കാർ വലയുന്നു.

പുലർച്ചെ നടപ്പുകാരും ഭയപ്പാടിലാണ്.
രാത്രികാലങ്ങളിൽ വഴിവിളക്ക് തെളിയാതെ വന്നാൽ ആരെ ബന്ധപ്പെടണമെന്ന് പോലും അറിയില്ലന്ന് നാട്ടുകാർ പറയുന്നു.