കോട്ടയം: അറബ് രാജ്യങ്ങളിലെ ഭക്ഷണമേശകളില് കുബൂസ് ഒരു അനിവാര്യ ഘടകമാണ്.
ഷവർമ, ഹമ്മസ്, ഫലാഫെല്, കബാബ് എന്നിവയുടെ രുചി പൂർണ്ണമാക്കാൻ ഈ സോഫ്റ്റായ റൊട്ടി ഏറെ സഹായിക്കുന്നു.
വിപണിയില് ലഭ്യമായ കുബൂസ് പലപ്പോഴും ഫ്രഷ്നസ്സ് നഷ്ടപ്പെടുകയും, മൃദുത്വം കുറയുകയും ചെയ്യുന്നു. വീട്ടില് തന്നെ ആരോഗ്യകരവും നല്ല ഗുണമേന്മയുള്ളതുമായ കുബൂസ് ഉണ്ടാക്കുന്നത് ലളിതമായ പ്രക്രിയയിലൂടെയാണ് സാധ്യമാകുന്നത്.
Whatsapp Group 1 | Whatsapp Group 2 |Telegram Group
ചേരുവകള്
മൈദ – 1 ½ കപ്പ്
ഇൻസ്റ്റന്റ് യീസ്റ്റ് – ½ ടേബിള്സ്പൂണ്
പഞ്ചസാര – ½ ടേബിള്സ്പൂണ്
തൈര് – 1 ടേബിള്സ്പൂണ്
സണ്ഫ്ലവർ ഓയില് – 1 ടേബിള്സ്പൂണ്
ഉപ്പ് – ആവശ്യത്തിന്
വെള്ളം – ആവശ്യത്തിന്
തയ്യാറാക്കുന്ന വിധം
ഇളം ചൂടുവെള്ളത്തില് പഞ്ചസാരയും യീസ്റ്റും ചേർത്തു കുഴച്ച് 5-10 മിനിറ്റ് മതി വരെ കാത്തിരിക്കുക, യീസ്റ്റ് പുളിച്ചു വരും. പുളിച്ചു വന്ന യീസ്റ്റ് മിശ്രിതം മൈദയിലേക്ക് ചേർക്കുക. ആവശ്യത്തിന് ഉപ്പ്, തൈർ, വെള്ളം എന്നിവ ചേർത്ത് മാവ് തയ്യാറാക്കുക. മാവ് നന്നായി മൃദുവായും സോഫ്റ്റായും ആകുന്നതുവരെ കുഴയ്ക്കുക. എണ്ണ ചേർത്ത് വീണ്ടും മാവ് കുഴച്ച്, കുറഞ്ഞത് 2 മണിക്കൂർ മൂടിയിട്ടു വെച്ച് മാവ് മയക്കിയെടുക്കുക. മാവ് ചെറിയ ഉരുളകളാക്കി ആകൃതിയാക്കി തയ്യാറാക്കുക. ചപ്പാത്തിയേക്കാള് കട്ടിയായ ഉരുളകള് പരത്തുക. ഒരു പാൻ ചൂടാക്കി, പരത്തിയ മാവ് ഇരുവശവും ചുട്ടെടുക്കുക.
ചൂടോടെ, ശവർമയോ ഹമ്മസോ ഫലാഫേല് പോലുള്ള ഭക്ഷണങ്ങളോടൊപ്പം കുബൂസ് വിളമ്പാം. വീട്ടില് തയ്യാറാക്കിയത് നന്മയും ഫ്രഷ്നസ്സും നിറഞ്ഞതാകുന്നുവെന്ന് തീർച്ച.
