കൊച്ചി: കെഎസ്ആർടിസി ബിസിനസ് ക്ലാസ് ബസുകള് സർവീസ് ആരംഭിക്കുന്നതായി മന്ത്രി കെ ബി ഗണേഷ് കുമാർ. നവീകരിച്ച എറണാകുളം കെ എസ് ആർ ടി സി സ്റ്റാൻഡിന്റെ ഉദ്ഘാടന വേദിയില് വെച്ചാണ് ഗതാഗത മന്ത്രി ഈ സുപ്രധാന പ്രഖ്യാപനം നടത്തിയത്.
പാൻട്രി, ടോയ്ലറ്റ് സൗകര്യങ്ങളോട് കൂടിയ ബസുകളായിരിക്കും ഈ വിഭാഗത്തില് ഓടുക. ടിക്കറ്റ് റിസർവ് ചെയ്യുന്നതിനോടൊപ്പം തന്നെ യാത്രക്കാർക്ക് ഭക്ഷണവും ബുക്ക് ചെയ്യാനുള്ള സൗകര്യമുണ്ടാകുമെന്ന് അദ്ദേഹം പറഞ്ഞു.
വിമാനങ്ങളിലെ എയർ ഹോസ്റ്റസുമാർക്ക് സമാനമായി യാത്രക്കാരെ സഹായിക്കാൻ ബസ് ഹോസ്റ്റസുമാർ ബസിലുണ്ടാകും. ഡ്രൈവർക്ക് പുറമെ ഒരു ഹോസ്റ്റസ് മാത്രമായിരിക്കും ജീവനക്കാരായി ബസിലുണ്ടാവുക. തിരുവനന്തപുരം – കൊച്ചി റൂട്ടിലായിരിക്കും ഈ ബസുകള് സർവീസ് നടത്തുക.ഈ മാസം 15-ഓടെ ആദ്യ ബസ് എത്തുമെന്ന് മന്ത്രി അറിയിച്ചു.
Whatsapp Group 1 | Whatsapp Group 2 |Telegram Group
തിരഞ്ഞെടുപ്പ് ചട്ടം നിലവില് വന്നാല് ഔദ്യോഗിക ഉദ്ഘാടനം നടത്താൻ സാധിക്കാത്തതിനാലാണ് ബസ് എത്തുന്നതിന് മുൻപേ ഇപ്പോള് ഉദ്ഘാടന പ്രഖ്യാപനം നടത്തിയത്. ബസ് എത്തിക്കഴിഞ്ഞാല് താൻ തന്നെ അത് ഓടിച്ചു നോക്കിയ ശേഷം സർവീസ് ആരംഭിക്കുമെന്നും അദ്ദേഹം വ്യക്തമാക്കി.
അതേസമയം, കെഎസ്ആർടിസി ജീവനക്കാർക്ക് ഡിഎ നല്കുന്ന കാര്യം സർക്കാരിന്റെ പരിഗണനയിലാണെന്ന് മന്ത്രി അറിയിച്ചു. ഇക്കാര്യം മുഖ്യമന്ത്രിയോടും ധനകാര്യ മന്ത്രിയോടും സംസാരിച്ചിട്ടുണ്ട്.
