ചങ്ങനാശേരി : കെഎസ്ആർടിസി ഡിപ്പോയിലെ ഓണാഘോഷത്തിനിടെ സ്റ്റേഷൻ മാസ്റ്റർക്ക് മർദനമേറ്റ സംഭവത്തിൽ ഡിപ്പോയിലെ 3 വർക്ക്ഷോപ് ജീവനക്കാർക്കുകൂടി സസ്പെൻഷൻ. കഴിഞ്ഞയാഴ്ച താൽക്കാലിക ഡ്രൈവറെ സസ്പെൻഡ് ചെയ്തിരുന്നു.
ഓഗസ്റ്റ് 2ന് നടന്ന ഓണാഘോഷത്തിനിടയിലാണ് സ്റ്റേഷൻ മാസ്റ്റർ വിജെ വിജുവിന് മർദ്ദനമേറ്റത്. അനുവദിച്ച സമയം കഴിഞ്ഞും ജീവനക്കാരിൽ ചിലർ ഓണാഘോഷം നടത്തുകയും മൈക്കിലൂടെ പാട്ടു തുടരുകയും ചെയ്തു. മദ്യലഹരി യിൽ ആഘോഷവും അതിരുകടന്നു. ആ സമയത്ത് സ്റ്റേഷൻ മാസ്റ്റർ മൈക്ക് ഓഫ് ചെയ്യാൻ പറഞ്ഞതിനെ തുടർന്നാണു സംഘർഷമുണ്ടായത്.
