കെഎസ്‌ആര്‍ടിസിയില്‍ എല്ലാ മാസവും പത്താം തീയതിയ്ക്കകം ശമ്പളം ഉറപ്പാക്കണം; സര്‍ക്കാര്‍ വകുപ്പാക്കണമെന്ന ആവശ്യത്തില്‍ ഇടപെടാനാകില്ലെന്ന് ഹൈക്കോടതി

സ്വന്തം ലേഖിക

കൊച്ചി: കെഎസ്‌ആര്‍ടിസിയില്‍ എല്ലാ മാസവും പത്താം തീയതിക്കകം ശമ്പളം നല്‍കണമെന്ന് ഹൈക്കോടതി.

ഇതിനായി വേണ്ട സഹായം സര്‍ക്കാര്‍ നല്‍കണമെന്നും കോടതി ഉത്തരവില്‍ പറയുന്നു. സര്‍ക്കാരിന്റെ സഹായം കെഎസ്‌ആര്‍ടിസിക്ക് നിഷേധിക്കാന്‍ പാടില്ല.

എന്നാല്‍ കെഎസ്‌ആര്‍ടിസിയുടെ ബാദ്ധ്യതകള്‍ സര്‍ക്കാര്‍ ഏറ്റെടുക്കണമെന്ന ജീവനക്കാരുടെ ആവശ്യത്തില്‍ ഇടപെടാന്‍ ആകില്ലെന്നും കോടതി വ്യക്തമാക്കി.

കെഎസ്‌ആര്‍ടിസിയെ സര്‍ക്കാര്‍ വകുപ്പാക്കണമെന്ന ജീവനക്കാരുടെ ആവശ്യം അംഗീകരിക്കാനാവില്ലെന്നും. ശമ്പളം വൈകുന്നതിനെതിരായ ഹര്‍ജികള്‍ ഹൈക്കോടതി തീര്‍പ്പാക്കവേ കോടതി അറിയിച്ചു.