സ്വന്തം ലേഖിക
തിരുവനന്തപുരം: കെഎസ്‌ആര്‍ടിസി ബസില്‍ വച്ചുണ്ടായ മോശം അനുഭവത്തെ തുടര്‍ന്ന് പ്രതികരിച്ചപ്പോള്‍ സഹയാത്രികരില്‍ ഒരാള്‍ പോലും സഹായിച്ചില്ലെന്ന് യുവതി.
സാരമില്ല, പോട്ടെ എന്നാണ് ഒരാള്‍ പറഞ്ഞതെന്നും യുവതി പറഞ്ഞു. ഒരാള്‍ പോലും പ്രതികരിക്കാൻ തയ്യാറായില്ല. ആരും സഹായിച്ചുമില്ലെന്നും യുവതി പറഞ്ഞു.
Whatsapp Group 1 | Whatsapp Group 2 |Telegram Group
സഹയാത്രികരുടെ പെരുമാറ്റം തന്നെ വേദനിപ്പിച്ചു. വണ്ടി നിര്‍ത്തിയപ്പോള്‍ വഴിമുക്കില്‍ ഉണ്ടായിരുന്ന നാട്ടുകാരാണ് രഞ്ജിത്തിനെ പൊലീസില്‍ ഏല്‍പ്പിച്ചതെന്നും യുവതി വ്യക്തമാക്കി.
ഇന്നലെ രാത്രി 10 മണിക്ക് കാഞ്ഞിരംകുളം-പൂവാര്‍ റൂട്ടില്‍ സര്‍വീസ് നടത്തിയ കെഎസ്‌ആര്‍ടിസി ബസിലാണ് സംഭവം നടന്നത്. സംഭവവുമായി ബന്ധപ്പെട്ട് കാഞ്ഞിരംകുളം സ്വദേശി രഞ്ജിത്തിനെ നെയ്യാറ്റിൻകര പൊലീസ് കസ്റ്റഡിയിലെടുത്തു.
ജോലി കഴിഞ്ഞ് വീട്ടിലേക്ക് മടങ്ങിയ നഴ്‌സിനോട് രഞ്ജിത്ത് പല തവണ മോശമായി പെരുമാറിയെന്നാണ് യുവതിയുടെ പരാതി.
