കോട്ടയം കടുത്തുരുത്തിയിൽ കെ. എസ്. ആർ.ടി.സി ബസ് സ്കൂട്ടറിലിടിച്ച് യുവാവ് മരിച്ചു ; ഓ​വ​ര്‍​ടേ​ക്ക് ചെ​യ്യു​ന്ന​തി​നി​ടെ സ്കൂ​ട്ട​റി​ലി​ടി​ച്ച ശേ​ഷം നി​ര്‍​ത്താ​തെ പോയ ബസ് നാട്ടുകാർ തടഞ്ഞു

സ്വന്തം ലേഖകൻ
ക​ടു​ത്തു​രു​ത്തി: കെഎ​സ്‌ആ​ര്‍​ടി​സി ബ​സ് സ്കൂ​ട്ട​റി​ലി​ടി​ച്ച് യുവാവ് മ​രി​ച്ചു. കോ​ത​ന​ല്ലൂ​ര്‍ പ്ലാ​ച്ചി​റ​യി​ല്‍ മ​നോ​ജ് കു​ര്യാ​ക്കോ​സ് (47) ആ​ണ് മ​രി​ച്ച​ത്. ചൊ​വ്വാ​ഴ്ച്ച രാ​ത്രി ഒ​ൻപ​തോ​ടെ ക​ള​ത്തൂ​ര്‍ ക​വ​ല​യ്ക്കു സ​മീ​പ​മായിരുന്നു അ​പ​ക​ടം.

എ​റ​ണാ​കു​ള​ത്തി​ന് പോ​വു​ക​യാ​യി​രു​ന്ന സൂ​പ്പ​ര്‍ ഫാ​സ്റ്റ് ബ​സ് ഓ​വ​ര്‍​ടേ​ക്ക് ചെ​യ്യു​ന്ന​തി​നി​ടെ സ്കൂ​ട്ട​റി​ലി​ടി​ച്ച ശേ​ഷം നി​ര്‍​ത്താ​തെ ഓ​ടി​ച്ചു പോ​വു​ക​യാ​യി​രു​ന്നു. പു​റ​കെ​യു​ണ്ടാ​യി​രു​ന്ന ബൈ​ക്ക് യാ​ത്ര​ക്കാ​ര്‍ പി​ന്തു​ട​ര്‍​ന്നെ​ത്തി ബ​സ് ത​ട​ഞ്ഞി​ടു​ക​യാ​യി​രു​ന്നു.

ബ​സി​ടി​ച്ച​തി​നെ തു​ട​ര്‍​ന്ന് തെ​റി​ച്ചു പോ​യ മ​നോ​ജ് റോ​ഡ​രി​കി​ലെ മ​രത്തി​ലി​ടി​ച്ചു വീ​ഴു​ക​യാ​യി​രു​ന്നു.

വി​ദേ​ശ​ത്ത് ജോ​ലി ചെ​യ്യു​ന്ന മ​നോ​ജ് അ​വ​ധി​ക്കു നാ​ട്ടി​ല്‍ വ​ന്ന​താ​ണ്. കോ​ട്ട​യ​ത്തി​ന് പോ​യ ശേ​ഷം വീ​ട്ടി​ലേ​ക്കു മ​ട​ങ്ങി പോ​കു​മ്പോ​ഴാ​ണ് സംഭവം.

ഗു​രു​ത​ര​മാ​യി പ​രി​ക്കേ​റ്റ മ​നോ​ജി​നെ കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചെ​ങ്കി​ലും രാ​ത്രിയോടെ മരണം സംഭവിച്ചു. ക​ടു​ത്തു​രു​ത്തി പോ​ലീ​സ് മേ​ല്‍​ന​ട​പ​ടി​ക​ള്‍ സ്വീ​ക​രി​ച്ചു.

ഭാര്യ റോസിലി. ചേര്‍ത്തല തൈക്കാട്ടുശ്ശേരി ചണംചേരില്‍ കുടുംബാംഗം. മകള്‍ മെറീന. സംസ്‌ക്കാരം ബുധനാഴ്ച രണ്ടിന് കോതനല്ലൂര്‍ കന്തീശങ്ങളുടെ ഫൊറോനാ പള്ളിയില്‍.