കെ.പി.എ.സി നാടകോത്സവത്തിന് ഇന്നു കോട്ടയം കെ.പി.എസ്. മേനോൻ ഹാളിൽ തിരിതെളിയും : ഇന്നത്തെ നാടകം നിങ്ങളെന്നെ കമ്മ്യൂണിസ്റ്റാക്കി: ഇനി നാടക ലഹരിയുടെ നാലു നാളുകൾ
കോട്ടയം: കോട്ടയം പബ്ലിക് ലൈബ്രറിയുടെ കലാസാംസ്‌കാരിക വിഭാഗമായ
കെ.പി.എൽ കൾച്ചറൽ സൊസൈറ്റിയുടെ ആഭിമുഖ്യത്തിൽ നാലു ദിവസം നീളുന്ന
കെ.പി.എ.സി നാടകോത്സവത്തിന് ഇന്ന് തിരി തെളിയും . 25 മുതൽ 28 വരെ
കെ.പി.എസ് മേനോൻ ഹാളിലാണ് നാടകങ്ങൾ അരങ്ങേറുക.. എല്ലാ ദിവസവും
നാടകത്തിന് മുമ്പ് പഴയ കാല നാടകഗാനാലാപനവും പ്രഭാഷണവും നടക്കും. ഇന്നു
വൈകുന്നേരം 5ന് നാടകോത്സവം റവന്യൂ മന്ത്രി കെ.രാജൻ ഉദ്ഘാടനം ചെയ്യും.
Whatsapp Group 1 | Whatsapp Group 2 |Telegram Group
പബ്ലിക് ലൈബ്രറി പ്രസിഡന്റ് ഏബ്രഹാം ഇട്ടിച്ചെറിയ അദ്ധ്യക്ഷത വഹിക്കും.
തിരുവഞ്ചൂർ രാധാകൃഷ്ണൻ എം.എൽ.എ ആശംസകൾ നേരും.തുടർന്ന് 6ന് നാടകം
‘നിങ്ങളെന്നെ കമ്മ്യൂണിസ്റ്റാക്കി. 26ന് വൈകുന്നേരം 5ന് പ്രഭാഷണം
ആലങ്കോട് ലീലാകൃഷ്ണൻ. 6ന് നാടകം ‘ ഒളിവിലെ ഓർമ്മകൾ’ 27ന് 5 ന് പ്രഭാഷണം
മന്ത്രി വി.എൻ. വാസവൻ, 6ന് നാടകം ‘മുടിയാനായ പുത്രൻ’ 28ന് 5ന് പ്രഭാഷണം
കൃഷിവകുപ്പ് മന്ത്രി പി.പ്രസാദ്. 6ന് നാടകം ‘ഉമ്മാച്ചു’നാടകോത്സവത്തിൽ
പ്രവേശനം സൗജന്യമാണ്
