സ്കൂട്ടറിൽ യാത്രചെയ്യുന്ന സ്ത്രീയെ കയറിപ്പിടിക്കുകയും വീട്ടിൽ കയറി നഗ്നതാ പ്രദർശനവും; 22 കാരനെ അറസ്റ്റ് ചെയ്ത് പോലീസ്

കോഴിക്കോട്: സ്‌കൂട്ടറില്‍ യാത്ര ചെയ്യുന്ന സ്ത്രീകളെ കയറിപ്പിടിക്കുകയും ഉപദ്രവിക്കുകയും ചെയ്യുന്നത് പതിവാക്കിയ യുവാവിനെ പൊലീസ് പിടികൂടി.

താമരശ്ശേരി പുതുപ്പാടി സ്വദേശി പെരുമ്പള്ളി തയ്യില്‍ വീട്ടില്‍ മുഹമ്മദ് ഫാസിലി(22)നെയാണ് കുന്നമംഗലം പൊലീസ് അറസ്റ്റ് ചെയ്തത്.

കുന്നമംഗലത്ത് നിന്ന് പിലാശ്ശേരി ഭാഗത്തേക്ക് യാത്ര ചെയ്യുകയായിരുന്ന പിലാശ്ശേരി സ്വദേശിനിയുടെ പിന്നാലെ ബൈക്കില്‍ പിന്തുടര്‍ന്ന പ്രതി പുള്ളാവൂര്‍ കുറുങ്ങോട്ടുപാലത്തിന് സമീപം വച്ച് ഇവരെ തടഞ്ഞ് നിര്‍ത്തി ഉപദ്രവിച്ചിരുന്നു. ഈ സംഭവത്തിലാണ് ഇയാളെ അറസ്റ്റ് ചെയ്തത്.

നേരത്തേ സമാന രീതിയില്‍ സ്‌കൂട്ടറില്‍ സഞ്ചരിക്കുകയായിരുന്ന കൊടുവള്ളി സ്വദേശിനിയെ കടന്നുപിടിച്ചതിന് കുന്നമംഗലം സ്റ്റേഷനിലും വീട്ടില്‍ കയറി നഗ്നതാ പ്രദര്‍ശനം നടത്തി സ്ത്രീയെ കയറിപ്പിടിക്കുകയും ഇന്‍സ്റ്റഗ്രാം വഴി മോര്‍ഫ് ചെയ്ത ചിത്രങ്ങള്‍ അയക്കുകയും ചെയ്ത സംഭവങ്ങളില്‍ താമരശ്ശേരി സ്റ്റേഷനിലും ഇയാള്‍ക്കെതിരേ കേസുകള്‍ നിലവിലുണ്ടെന്ന് പോലീസ് അറിയിച്ചു.

കുന്നമംഗലം ഇന്‍സ്‌പെക്ടര്‍ കിരണിന്റെ നേതൃത്വത്തില്‍ എസ്‌ഐ നിതിന്‍, ജിബിഷ, മനോജ്, അജീഷ്, സച്ചിത് എന്നിവരുള്‍പ്പെട്ട സംഘമാണ് പ്രതിയെ കസ്റ്റഡിയില്‍ എടുത്തത്. കോടതിയില്‍ ഹാജരാക്കിയ ഫാസിലിനെ റിമാന്റ് ചെയ്തു.

കോഴിക്കോട് രാമനാട്ടുകരയിൽ റോഡരികിൽ നിന്നയാളെ മർദ്ദിച്ച് അവശനാക്കി മൊബൈൽ ഫോണുകൾ കവർന്നു; പതിനെട്ടുകാരൻ അറസ്റ്റിൽ; രാ​ത്രി​കാ​ല​ങ്ങ​ളി​ൽ ക​റ​ങ്ങി​ന​ട​ന്ന് ക​വ​ർ​ച്ച നടത്തുന്ന സം​ഘ​ത്തി​ൽ​പ്പെ​ട്ട​യാളാണ് പ്രതിയെന്ന് സൂചന

സ്വന്തം ലേഖകൻ

രാ​മ​നാ​ട്ടു​ക​ര: ന​ട​പ്പാ​ത​യി​ൽ നി​ൽ​ക്കു​ക​യാ​യി​രു​ന്ന​യാ​ളെ മർദ്ദിച്ച് അവശനാക്കി മൊ​ബൈ​ൽ ഫോ​ണു​ക​ൾ ക​വ​ർ​ന്ന കേ​സി​ലെ പ്ര​തി അറസ്റ്റിൽ. കൊ​ണ്ടോ​ട്ടി പ​ന​യം​പ​റ​മ്പ് ദാ​നി​ഷ് മി​ൻ​ഹാ​ജി(18)നെ​യാ​ണ് അ​റ​സ്റ്റ് ചെ​യ്ത​ത്.

രാ​മ​നാ​ട്ടു​ക​ര സു​ര​ഭി​മാ​ളി​ന് സ​മീ​പ​ത്തെ പ​ള്ളി​യി​ൽ നി​ന്നും ന​മ​സ്കാ​രം ക​ഴി​ഞ്ഞ് പു​റ​ത്തി​റ​ങ്ങി ന​ട​പ്പാ​ത​യി​ൽ നി​ൽ​ക്കു​ന്ന​യാ​ളെ ദാ​നി​ഷ് മി​ൻ​ഹാ​ജ് ക്രൂ​ര​മാ​യി മ​ർ​ദ്ദി​ക്കു​ക​യും കൈ​യി​ലു​ണ്ടാ​യി​രു​ന്ന ര​ണ്ടു മൊ​ബൈ​ൽ ഫോ​ണു​ക​ൾ ക​വ​ർ​ച്ച ന​ട​ത്തി മുങ്ങുക​യു​മാ​യി​രു​ന്നു.

ജി​ല്ല ഡെ​പ്യൂ​ട്ടി ക​മീ​ഷ​ണ​ർ കെ.​ഇ. ബൈ​ജു ഐ.​പി.​എ​സി​ന്‍റെ കീ​ഴി​ലു​ള്ള സി​റ്റി സ്പെ​ഷ​ൽ ആ​ക്ഷ​ൻ ഗ്രൂ​പ്പും ഫ​റോ​ക്ക് പൊ​ലീ​സ് ഇ​ൻ​സ്പെ​ക്ട​ർ പി.​എ​സ്. ഹ​രീ​ഷി​ന്‍റെ നേ​തൃ​ത്വ​ത്തി​ലു​ള്ള ഫ​റോ​ക്ക് ​പൊ​ലീ​സും ചേ​ർ​ന്നാ​ണ് അ​റ​സ്റ്റ് ചെ​യ്ത​ത്. ലോ​ഡ്ജു​ക​ളി​ൽ ന​ട​ത്തി​യ തി​ര​ച്ചി​ലി​നൊ​ടു​വി​ലാ​ണ് മി​ൻ​ഹാ​ജ‌് പിടിയിലായത്

വീ​ട്ടി​ൽ പോ​കാ​തെ ലോ​ഡ്ജു​ക​ളി​ൽ റൂ​മെ​ടു​ത്ത് താ​മ​സി​ക്കു​ക​യും കോ​ഴി​ക്കോ​ട് ബീ​ച്ച്, പാ​ള​യം, രാ​മ​നാ​ട്ടു​ക​ര തു​ട​ങ്ങി വി​വി​ധ ഭാ​ഗ​ങ്ങ​ളി​ൽ രാ​ത്രി​കാ​ല​ങ്ങ​ളി​ൽ ക​റ​ങ്ങി​ന​ട​ന്ന് ക​വ​ർ​ച്ച ന​ട​ത്തു​ക​യും സം​ഘ​ത്തി​ൽ​പ്പെ​ട്ട​യാ​ളു​മാ​ണ് മി​ൻ​ഹാ​ജ്. ല​ഹ​രി​മ​രു​ന്നി​ന്‍റെ അ​മി​ത​മാ​യ ഉ​പ​യോ​ഗ​വും ഇ​യാ​ൾ​ക്കു​ണ്ട്. ക​വ​ർ​ച്ച ചെ​യ്ത മൊ​ബൈ​ൽ ഫോ​ണു​ക​ൾ ക​ണ്ടെ​ടു​ത്തു.

സ​ബ് ഇ​ൻ​സ്പെ​ക്ട​ർ​മാ​രാ​യ സൈ​ഫു​ല്ല, എ​സ്. അ​നൂ​പ്, സ്പെ​ഷ​ൽ ആ​ക്ഷ​ൻ ഗ്രൂ​പ് സ​ബ് ഇ​ൻ​സ്പെ​ക്ട​ർ ഒ. ​മോ​ഹ​ൻ​ദാ​സ്, ഹാ​ദി​ൽ കു​ന്നു​മ്മ​ൽ, ശ്രീ​ജി​ത്ത് പ​ടി​യാ​ത്ത്, ഷ​ഹീ​ർ പെ​രു​മ​ണ്ണ, സു​മേ​ഷ് ആ​റോ​ളി, എ.​കെ. അ​ർ​ജു​ൻ, രാ​കേ​ഷ് ചൈ​ത​ന്യം, സീ​നി​യ​ർ സി.​പി.​ഒ കെ. ​സു​ധീ​ഷ്, കെ.​ടി. ശ്യാം ​രാ​ജ്, കെ. ​സു​കേ​ഷ് എ​ന്നി​വ​രാ​യി​രു​ന്നു അ​ന്വേ​ഷ​ണം ന​ട​ത്തി​യി​രു​ന്ന​ത്. പ്രതിയെ കോടതിയിൽ ഹാജരാക്കി.