കോവിഡ് ഭീഷണി മലരിക്കൽ ഫെസ്റ്റ് മാറ്റി വെയ്ക്കണം : കോൺഗ്രസ്

സ്വന്തം ലേഖകൻ

കോവിഡ് രോഗബാധ വർദ്ധിച്ച് കൊണ്ടിരിക്കുന്നതിനാൽ കാഞ്ഞിരം മലരിക്കലിലെ ആമ്പൽ ഫെസ്റ്റ് മാറ്റി വയ്ക്കണമെന്ന് കോൺഗ്രസ് കാഞ്ഞിരം മേഖലാ കമ്മറ്റി ആവശ്യപ്പെട്ടു.

ആമ്പൽ ഫെസ്റ്റുമായി ബന്ധപ്പെട്ട വാർത്ത മാധ്യമങ്ങളിലും , സോഷ്യൽ മീഡിയയിലും പ്രചരിച്ചതോടെ കോട്ടയം ജില്ലയുടെ വിവിധ ഭാഗങ്ങളിൽ നിന്നും വാഹനങ്ങളിൽ നിരവധി ആളുകളാണ് മലരിക്കലിൽ എത്തുന്നത്.

ഇത് ജനങ്ങളിൽ ഭീതി പരത്തുന്നു.ഈ സാഹചര്യത്തിലാണ് കോൺഗ്രസ് പ്രതിക്ഷേധ സമരവുമായി രംഗത്ത് എത്തിയത്. പ്രതിക്ഷേധ സമരം ഡി.സി.സി വൈസ് പ്രസിഡൻ്റ് അഡ്വ.ജി ഗോപകുമാർ ഉത്ഘാടനം ചെയ്തു. സുമേഷ് കാഞ്ഞിരം അദ്ധ്യക്ഷത വഹിച്ചു.

റൂബിചാക്കോ , സുബൈർ വെട്ടിക്കാട് , അനിൽ മലരിക്കൽ , എം എ വേലു , എ പി ജോസഫ് , തോമസ് പള്ളത്ത്ശ്ശേരിൽ തുടങ്ങിയവർ പ്രസംഗിച്ചു.