മകൾക്ക് മുന്നിൽ നഗ്നത പ്രദർശനം; മണിമലയിൽ പിതാവ് അറസ്റ്റിൽ; പിതാവിനെ കുടുക്കിയത് മകളുടെ ഫെയ്സ് ബുക്ക് ലൈവ്

ക്രൈം ഡെസ്ക്

കോട്ടയം : മദ്യലഹരിയില്‍ മകള്‍ക്ക് മുന്നില്‍ നഗ്നത പ്രദർശിപ്പിച്ച പിതാവിനെ പൊലീസ് അറസ്റ്റ് ചെയ്തു. മണിമല വെള്ളാവൂരിലാണ് മദ്യലഹരിയില്‍ മകള്‍ക്ക് മുന്നില്‍ പിതാവ് നഗ്നത പ്രദർശിപ്പിച്ചത്.

വെള്ളാവൂര്‍ മൂത്തേടത്ത് താഴെ വീട്ടിൽ രമേശ്‌ ബാബുവിനെയാണ്(51) മണിമല പൊലീസ് കസ്റ്റഡിയിലെടുത്തത്. മദ്യലഹരിയിൽ എത്തിയ പിതാവ് നഗ്നതാ പ്രദർശനം നടത്തിയത് മകളാണ് ഫെയ്സ് ബുക്കിൽ ലൈവായി ഇട്ടത്.

ഫെബ്രുവരി 28 ന് നടന്ന സംഭവത്തിന്റെ ദൃശ്യങ്ങള്‍ സാമൂഹ്യമാധ്യമങ്ങളില്‍ പ്രചരിച്ചതോടെ പിതാവിനെതിരെ പൊലീസ് ജാമ്യമില്ല വകുപ്പ് പ്രകാരം കേസെടുക്കുകയായിരുന്നു. മകള്‍ ഫേസ്ബുക്ക്‌ ലൈവ് ഇട്ടതോടെയാണ് വിവരം പുറത്തറിയുന്നത്. തുടർന്നാണ് പിതാവിനെ പൊലീസ് അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.