കൂട്ടായ്മയുടെ ഓണം; കോട്ടയത്തെ റെയിൽവേ തൊഴിലാളികൾ ഓണം ആഘോഷിച്ചു; മാവേലി മന്നനോടൊപ്പം ഘോഷയാത്രയായി പ്ലാറ്റ്ഫോമിലൂടെ യാത്രക്കാർക്ക് ആശംസകൾ നേർന്നു

കോട്ടയം : ഇന്നലെ കോട്ടയത്തെ റെയിൽവേ തൊഴിലാളികൾ ഓണം ആഘോഷിച്ചു. ഒൻപതര മണിക്ക് മാവേലിയെ സ്വീകരിച്ചാനയിച്ചു. സ്റ്റേഷൻ അധികാരി പി ജി വിജയകുമാറിന്റെ നേതൃത്വത്തിൽ വിളക്ക് തെളിയിച്ചു. അടുത്ത ഓണത്തിന് മുൻപ് ജോലിയിൽ നിന്ന് വിരമിക്കുന്നവരെ പൊന്നാടയണിയിച്ച് ആദരിച്ചു.

തുടർന്ന് മാവേലി മന്നനോടൊപ്പം ഘോഷയാത്രയായി ഒന്നാം പ്ലാറ്റ്ഫോമിലൂടെ യാത്രക്കാർക്ക് ആശംസകൾ നേർന്ന് രണ്ടാം പ്ലാറ്റ് ഫോമിലൂടെ തീർത്ഥടകരുടെ വിശ്രമ കേന്ദ്രത്തിന് മുന്നിലെത്തി. വടംവലി ഉൾപ്പടെ വിവിധ തരം കായിക, കലാ മത്സരങ്ങൾ നടത്തി വിജയികൾക്ക് സമ്മാനങ്ങൾ നൽകി.

വിഭവസമ്രുദ്ധമായ ഓണ സദ്യക്കുശേഷം ഏകദേശം നാലരയോടുകൂടി സമാപിച്ച പരിപാടി ശരിക്കും ഒരു കൂട്ടായ്മയുടെ വിജയമായിരുന്നു. കോട്ടയം റായിൽവെ സ്റ്റേഷനിലെ എല്ലാ വകുപ്പുകളിലെയും ജീവനക്കാർ , കേരളത്തിന്റെ തനതായ ശൈലിയുള്ള വസ്ത്രധാരണം ചെയ്ത്, എല്ലാ പരിപാടികളിലും പങ്കെടുത്ത് ആത്മാർത്ഥമായി സഹകരിച്ചാണ് ഈ പരിപാടി ഒരു വൻവിജയമാക്കിയത്.