കോട്ടയം കൊല്ലാട് പാറയ്ക്കൽകടവിൽ നിയന്ത്രണം വിട്ട കാർ റോഡരികിലെ മതിലിൽ ഇടിച്ച് അപകടം ; ഇത്തിത്താനം സ്വദേശിയായ അധ്യാപികയ്ക്ക് പരിക്ക്

കോട്ടയം: കോട്ടയം കൊല്ലാട് പാറയ്ക്കൽകടവിൽ നിയന്ത്രണം നഷ്ടമായ കാർ റോഡരികിലെ മതിലിൽ ഇടിച്ച് അപകടം. അപകടത്തിൽ ഇത്തിത്താനം സ്വദേശിയായ അധ്യാപികയ്ക്ക് പരിക്ക്.

സംഭവം ഇന്ന് വൈകിട്ട് നാലരയോടെ. കോട്ടയം ഭാഗത്തേക്ക് വരികയായിരുന്ന കാർ നിയന്ത്രണം നഷ്ടമായി റോഡരികിലെ മതിലിൽ ഇടിക്കുകയായിരുന്നു. ഇടിയുടെ ആഘാതത്തിൽ കാറിന്റെ മുൻഭാഗം പൂർണ്ണമായും തകർന്നു.

അപകടത്തിൽ പരിക്കേറ്റ അധ്യാപികയെ ഓടിക്കൂടിയ നാട്ടുകാർ ചേർന്ന് പുതുപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചു.