കോട്ടയം ടിവിപുരത്തെ പഞ്ചായത്ത് മെമ്പർ ചോദിക്കുന്നു: തന്റെ പരാതിക്ക് ഒരു വിലയുമില്ലേ? റോഡ് പണിയുടെ ബില്ലുകൾ ക്രമവിരുദ്ധമായി മാറിനൽകിയ പഞ്ചായത്ത് പ്രസിഡന്റിൻ്റേയും അസിസ്റ്റന്റ് എഞ്ചിനീയറുടെയും നടപടിയിൽ പ്രതിഷേധിച്ച് പഞ്ചായത്ത് അംഗത്തിൻ്റെ കുത്തിയിരുപ്പ് സമരം

ടിവിപുരം: വാർഡ് മെമ്പറുടെ പരാതി നിലനിൽക്കേ റോഡ്പണിയുടെ ബില്ലുകൾ ക്രമവിരുദ്ധമായി മാറിനൽകിയ പഞ്ചായത്ത് പ്രസിഡന്റിൻ്റേയും അസിസ്റ്റന്റ്

എഞ്ചിനീയറുടെയും നടപടിയിൽ പ്രതിഷേധിച്ച് പഞ്ചായത്ത് അംഗത്തിൻ്റെ കുത്തിയിരുപ്പ് സമരം. ടിവിപുരം പഞ്ചായത്ത് 12-ാം വാർഡ് അംഗം ടി.അനിൽകുമാറാണ് പഞ്ചായത്ത് വികസന

സെമിനാർ നടന്ന വയോജന വിശ്രമകേന്ദ്രത്തിന്റെ മുന്നിൽ കുത്തിയിരിപ്പ് സമരം നടത്തിയത്.മുൻ പഞ്ചായത്ത് പ്രസിഡന്റ് സെബാസ്റ്റ്യൻ ആന്റണി അധ്യക്ഷത വഹിച്ച

സമരപരിപാടി മുൻ മണ്ഡലം കോൺഗ്രസ് പ്രസിഡന്റ് കെ.എസ്. ബാഹുലേയൻ ഉദ്ഘാടനം

ചെയ്തു.ശ്രീരാജ് ഇരുമ്പേപ്പള്ളിൽ,ആർ. റോയ്,വി.ടി. സത്യജിത്ത്,ജോസഫ് പടിക്കപറമ്പിൽ,റോയ് തൈക്കൂട്ടത്തിൽ,എ. എസ്. ശരത്,ധനഞ്ജയൻ എന്നിവർ പ്രസംഗിച്ചു.