കോട്ടയം:കോട്ടയം റീജണല് ട്രാന്സ്പോര്ട്ട് ഓഫീസില് ആര്ടിഒ ഇല്ലാതായിട്ട് 9 മാസം.ഇതോടെ ഓഫീസിനു കീഴില് വിവിധ ആവശ്യങ്ങള്ക്കായി എത്തുന്ന വാഹന ഉടമകള് ബുദ്ധിമുട്ടിലാണ്. കഴിഞ്ഞ വര്ഷം മേയ് 31നാണ് ആര്ടിഒ അജിത് കുമാര് കൊല്ലത്തേക്ക് സ്ഥലം മാറിപ്പോയത് തുടര്ന്നിങ്ങോട്ട് ഒമ്പതു മാസമായി ഓഫീസ് നാഥനില്ലാ കളരിയാണ്.
പത്തനംതിട്ട ആര്ടിഒയ്ക്ക് ചുമതലയുണ്ടെങ്കിലും ഇദ്ദേഹം ഇടയ്ക്ക് ഓഫീസിലെത്തി അത്യാവശ്യ കാര്യങ്ങള് നിര്വഹിച്ചു പോരുക മാത്രമാണ്. കഴിഞ്ഞ മൂന്നുമാസമായി ഇദ്ദേഹത്തിനു ശബരിമല സ്പെഷല് ഡ്യൂട്ടിയുമായിരുന്നു.
ആര്ടിഒ ഇല്ലാത്തതിനാല് വാഹന ഉടമകള്ക്ക് രജിസട്രേഷന്, ഫിറ്റ്നസ് ഉള്പ്പെടെ പല കാര്യങ്ങളും നടക്കുന്നില്ല. ജോയിന്റ് ആര്ടിഒയക്ക് സാങ്കേതിക യോഗ്യത ഇല്ലാത്തതിനാല് പഴയ വാഹനങ്ങള്ക്ക് ഫിറ്റ്നസ് സര്ട്ടിഫിക്കറ്റ് കിട്ടുന്നതിനു പോലും പ്രയാസമാണ്. ഒരു വര്ഷമായി ആര്ടിഎ ബോര്ഡ് ചേരാത്തതു മൂലം ബസുടമകള്ക്ക് പല വിധ പ്രശ്നങ്ങള് ഉണ്ടാകുന്നുണ്ട്.
Whatsapp Group 1 | Whatsapp Group 2 |Telegram Group
സ്വകാര്യ ബസുകളുടെ സമയക്രമത്തെ ചൊല്ലിയുള്ള തര്ക്കങ്ങള് പരിഹരിക്കാത്തതു മൂലം തൊഴിലാളികള് പരസ്പരം ഏറ്റുമുട്ടുന്നത് നിത്യ സംഭവമാണ്. ജില്ലാ വികസന സമിതിയിലും താലൂക്ക് വികസന സമിതിയിലും എംപിമാര്, എംഎല്എമാര് ഉള്പ്പെടെയുള്ളവരോടും ഇക്കാര്യങ്ങള് അവതരിപ്പിച്ചെങ്കിലും പരിഹാരമായില്ല.
