കോട്ടയം പിഡബ്ല്യുഡി റെസ്റ്റ് ഹൗസ് കാന്റീൻ പ്രവർത്തനം പുനരാരംഭിക്കുന്നു: 24 – ന് മന്ത്രി റോഷി അഗസ്റ്റിൻ ഉദ്ഘാടനം ചെയ്യും.

കോട്ടയം: 5 വർഷമായി അടഞ്ഞുകിടന്ന കോട്ടയത്തെ പിഡബ്ല്യുഡി റെസ്റ്റ് ഹൗസ് കാന്റീൻ പ്രവർത്തനം പുനരാരംഭിക്കുന്നു.

24ന് 10ന് മന്ത്രി റോഷി അഗസ്റ്റിൻ ഉദ്ഘാടനം ചെയ്യും.

നഗരത്തിലുള്ളവർക്കും പുറത്തുനിന്നു വരുന്നവർക്കും ഭക്ഷണം കഴിച്ച് വിശ്രമിക്കുന്നതിന് തണൽമരങ്ങളുണ്ട്. വാഹന പാർക്കിംഗ് ഒരുക്കിയിട്ടുണ്ട്.

പിഡബ്യുഡി ബിൽഡിങ് ഡിവിഷനിലെ ഉദ്യോഗസ്ഥരുടെ ശ്രമഫലമായാണ് ശബരിമല തീർഥാടന കാലത്ത് കാന്റീൻ തുറക്കുന്നത്.

മിതമായ നിരക്കിൽ നല്ല ഭക്ഷണം കഴിക്കാം എന്നതാണ് ഇവിടത്തെ പ്രത്യേകത. ഉദ്യോഗസ്ഥരുടെ മേൽനോട്ടമുള്ളതിനാൽ നിലവാരം കുറഞ്ഞ സാധനങ്ങൾ ഇവിടെ ഉപയോഗിക്കാനാവില്ല.