കോട്ടയം മേലുകാവിൽ കാര്‍ കത്തിനശിച്ചു; യാത്രക്കാര്‍ രക്ഷപ്പെട്ടു; ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം; വീഡിയോ കാണാം

സ്വന്തം ലേഖകൻ

കോട്ടയം: കോട്ടയം മേലുകാവിൽ സി.എം.എസ്. സ്കൂളിന് സമീപം കാറിന് തീപിടിച്ചു. രാവിലെ പത്തരയോടെയായിരുന്നു സംഭവം.

മേലുകാവ് -ഇലവീഴാപൂഞ്ചിറ റോഡിലാണ് സംഭവമുണ്ടായത്. അപകടത്തിൽ ആര്‍ക്കും തന്നെ പരിക്കില്ല. എന്നാൽ കാര്‍ പൂര്‍ണമായും കത്തിനശിച്ചു. യാത്രക്കാരെക്കുറിച്ചുള്ള വിവരങ്ങള്‍ ഇതുവരെ ലഭ്യമായിട്ടില്ല.

ഷോര്‍ട്ട് സര്‍ക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. വിവരം അറിഞ്ഞു ഈരാറ്റുപേട്ട ഫയര്‍ഫോഴ്സ് ഉടൻ തന്നെ സംഭവസ്ഥലത്തെത്തി തീ അണയ്ക്കുകയും ചെയ്തു.