കോട്ടയം വൈക്കത്ത് വയോധികരായ ദമ്പതികളെ വാടകവീട്ടില്‍ തൂങ്ങി മരിച്ച നിലയില്‍ കണ്ടെത്തി; ​രോ​ഗാവസ്ഥയും, സാമ്പത്തിക ബാധ്യതയും മൂലം ആത്മഹത്യയെന്ന് പ്രാഥമിക നി​ഗമനം

‌
സ്വന്തം ലേഖകൻ

കോട്ടയം; വൈക്കത്ത് വയോധികരായ ദമ്പതികളെ വാടകവീട്ടില്‍ തൂങ്ങി മരിച്ച നിലയില്‍ കണ്ടെത്തി. വൈക്കം തലയോലപ്പറമ്പ് മനക്കച്ചിറ കാളിവേലില്‍ സൂര്യേന്ദ്രൻ( 65) ഭാര്യ രമണി (58) എന്നിവരെയാണ് ശനിയാഴ്ച വാടകവീട്ടില്‍ മരിച്ച നിലയില്‍ കണ്ടെത്തിയത്.

അസുഖബാധിതരായ പണിക്കു പോകാൻ കഴിയാതിരുന്ന ഇവര്‍ സമീപവാസികളുടെ കാരുണ്യത്തിലാണ് കഴിഞ്ഞു വന്നിരുന്നത്.

ഇവര്‍ക്ക് സ്വകാര്യ പണമിടപാട് സ്ഥാപനങ്ങളില്‍ കടവും, ഓണ ഫണ്ടില്‍ പണം നല്‍കാനുള്ളതായും വിവരമുണ്ട്. 20 വര്‍ഷമായി ഒരുമിച്ച്‌ താമസിക്കുന്ന ഇവര്‍ക്ക് കുട്ടികള്‍ ഇല്ല.