കോട്ടയം ബസേലിയോസ് കോളേജിന് സമീപം കെ.കെ റോഡിൽ സെപ്റ്റംബർ 8 (വെള്ളിയാഴ്ച) ഗതാഗതം വഴിതിരിച്ചുവിടും ; ഏർപ്പെടുത്തിയിരിക്കുന്ന ഗതാഗത നിയന്ത്രണങ്ങള്‍ അറിയാം

സ്വന്തം ലേഖകൻ 

കോട്ടയം: ബസേലിയോസ് കോളേജിന് സമീപം കെ.കെ റോഡിൽ സെപ്റ്റംബർ 8 (വെള്ളിയാഴ്ച) പോലീസ് ഗതാഗത നിയന്ത്രണങ്ങള്‍ ഏർപ്പെടുത്തി.

08-09-2023 ദിവസം രാവിലെ 08.00 മണി മുതല്‍ കൌണ്ടിംഗ് അവസാനിക്കുന്നത് വരെ കെ.കെ റോഡ് കഞ്ഞിക്കുഴി ഭാഗത്ത് നിന്നും വരുന്ന വാഹനങ്ങള്‍ കളക്ട്രേറ്റ് ജംഗ്ഷനില്‍ നിന്നും തിരിഞ്ഞ് ലോഗോസ് ജംഗ്ഷന്‍-ശാസ്ത്രി റോഡ്‌ വഴി പോകേണ്ടതാണ്.

മനോരമ ഭാഗത്ത് നിന്നും കളക്ട്രേറ്റ് ഭാഗത്തേക്ക് പോകേണ്ട വാഹനങ്ങള്‍ മനോരമ ജംഗ്ഷനില്‍ നിന്നും ഈരയില്‍ കടവ് ജംഗ്ഷന്‍ വഴി പോകേണ്ടതാണ്.