തിരുവഞ്ചൂരിന് കെട്ടിവയ്ക്കാനുള്ള തുക അധ്യാപകര്‍ നല്‍കി

സ്വന്തം ലേഖകൻ

കോട്ടയം: നിയമസഭാ തെരഞ്ഞെടുപ്പില്‍ മത്സരിക്കുന്ന തിരുവഞ്ചൂര്‍ രാധാകൃഷ്ണന് കെട്ടിവയ്ക്കാനുള്ള തുക അധ്യാപകര്‍ നല്‍കി. ബസേലിയോസ് കോളജ് പൂര്‍വവിദ്യാര്‍ത്ഥി കൂടിയാണ് തിരുവഞ്ചൂരിന് കെട്ടി വയ്ക്കുന്നതിനുള്ള 10,000 രൂപ ബസേലിയോസ് കോളജിലെ അധ്യാപകരാണ് സമാഹരിച്ച് നല്‍കിയത്.

കേരള പ്രൈവറ്റ് കോളജ് ടീച്ചേഴ്‌സ് അസോസിയേഷന്‍ (കെ.പി.സി.ടി.എ.) സംസ്ഥാന സമ്മേളനം ഉദ്ഘാടനം ചെയ്യാനെത്തിയപ്പോഴായിരുന്നു തുക കൈമാറിയത്.

കെ.പി.സി.ടി.എ. പ്രതിനിധികളും ബസേലിയോസ് കോളജ് അധ്യാപകരുമായ ഡോ. തോമസ് കുരുവിള, എം.വി. കൃഷ്ണരാജ്, താര തോമസ് എന്നിവര്‍ ചേര്‍ന്നാണ് തുക നല്‍കിയത്.