കോട്ടയം തെള്ളകത്ത് പൂട്ടി കിടന്ന വീട്ടിൽ മോഷണം; സ്വർണാഭരണവും, വിലപടിപ്പുള്ള സാരിയും നഷ്ടപ്പെട്ടു; അന്വേഷണം ആരംഭിച്ച് പൊലീസ്

കോട്ടയം: തെള്ളകത്ത് പൂട്ടി കിടന്ന വീട്ടിൽ മോഷണം. രണ്ടേകാൽ പവൻ തൂക്കമുള്ള സ്വർണാഭരണവും, വിലപടിപ്പുള്ള പുതിയ സാരിയും നഷ്ടപ്പെട്ടുവെന്ന് പരാതി.

തെള്ളകം തറപ്പേൽ വീട്ടിൽ വാടകയ്ക്ക് താമസിക്കുന്ന അലക്സാണ്ടറുടെ വീട്ടിലാണ് മോഷണം നടന്നത്. അലക്സാണ്ടറും, ഭാര്യ കുസുമവും, മകളുമാണ് ഈ വീട്ടിൽ താമസിക്കുന്നത്. ഞായറാഴ്ച കട്ടപ്പനയിൽ പോയി തിരികെ ഇന്നലെ വൈകിട്ട് 6. 45 ഓടെ വീട്ടിലെത്തിയപ്പോഴാണ് മോഷണം നടന്ന വിവരം അറിയുന്നത്.

മുൻവശത്തെ വാതിലിന്റെ പൂട്ട് തകര്‍ത്താണ് മോഷ്ടാവ് വീടിനുള്ളിൽ പ്രവേശിച്ചത്.

ഏറ്റുമാനൂർ പോലീസും, വിരലടയാള വിദഗ്ധരും,ഡോഗ് സ്കോഡും വീട്ടിലെത്തി തെളിവുകൾ ശേഖരിച്ചു.