കോട്ടയത്ത് അധ്യാപകൻ വിദ്യാർത്ഥിനിയെ പീഡിപ്പിച്ചതായി പരാതി; ചെങ്ങളം ഗവ.ഹൈസ്കൂളിലെ അറബി അധ്യാപകനെതിരെ പരാതി; അധ്യാപകൻ കുട്ടികളെ കെട്ടിയിട്ട് തല്ലിയതായും സൂചന

സ്വന്തം ലേഖകൻ

കോട്ടയം : പ്രായപൂർത്തിയാകാത്ത വിദ്യാർത്ഥിനികളോട് അപമര്യാദയായി പെരുമാറിയ അധ്യാപകനെ
പോക്സോ കേസിൽ പോലീസ് അറസ്റ്റ് ചെയ്തു.

ചെങ്ങളം ഗവ.ഹൈസ്കൂളിലെ അധ്യാപകനായ ചങ്ങനാശ്ശേരി ചെത്തിപ്പുഴ തെങ്ങുംപറമ്പിൽ വീട്ടിൽ സാലിഹ് റ്റി.എസ് (46) എന്നയാളെയാണ് കുമരകം പോലീസ് അറസ്റ്റ് ചെയ്തത്.

അറബി അധ്യാപകനായ ഇയാൾ അതിജീവിതയോട് ലൈംഗികാതിക്രമം നടത്തുകയായിരുന്നു . പരാതിയെ തുടർന്ന് കുമരകം പോലീസ് കേസ് രജിസ്റ്റർ ചെയ്യുകയും എസ്.എച്ച്.ഓ ബിൻസ് ജോസഫിന്റെ നേതൃത്വത്തിൽ ഇയാളെ അറസ്റ്റ് ചെയ്യുകയുമായിരുന്നു.

ഇയാൾക്കെതിരെ മറ്റൊരു പെൺകുട്ടിയും സമാനമായ പരാതി നൽകിയിട്ടുണ്ട്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.