ഓണക്കാലത്തെ യാത്രാ ദുരിതത്തിന് പരിഹാരം..! കോട്ടയം വഴി സ്പെഷ്യല്‍ ട്രെയിനുകള്‍ പ്രഖ്യാപിച്ച്‌ റയില്‍വെ; സമയക്രമം ഇങ്ങനെ…..

കോട്ടയം: ഓണക്കാലത്തെ യാത്രാ ദുരിതത്തിന് അറുതി കാണാൻ പ്രത്യേക ട്രെയിൻ സർവീസുമായി ദക്ഷിണ റയില്‍വെ.

കൊല്ലത്തിനും ചെന്നൈയ്ക്കും ഇടയിലാണ് ഓണക്കാല സ്പെഷ്യല്‍ ട്രെയിൻ സർവീസ് നടത്തുക.
കോട്ടയം വഴിയാണ് സ്പെഷ്യല്‍ ട്രെയിൻ സർവീസ്.

സേലം, ഈറോ‍ഡ്, പാലക്കാട് വഴിയുള്ള സ്പെഷ്യല്‍ ട്രെയിനുകളുടെ ഷെഡ്യൂളും റയില്‍വെ പുറത്തുവിട്ടു.

ചെന്നൈ സെൻട്രല്‍-കൊല്ലം (06119) ട്രെയിൻ ഓഗസ്റ്റ് 27, സെപ്റ്റംബർ മൂന്ന്, 10 തീയതികളില്‍ ചെന്നൈ സെൻട്രലില്‍നിന്ന് വൈകീട്ട് 3.10-ന് പുറപ്പെട്ട് പിറ്റേന്ന് രാവിലെ 6.20-ന് കൊല്ലത്തെത്തും. കൊല്ലം-ചെന്നൈ സെൻട്രല്‍ (06120) ട്രെയിൻ ഓഗസ്റ്റ് 28, സെപ്റ്റംബർ നാല്, 11 തീയതികളില്‍ രാവിലെ 10.45-ന് പുറപ്പെട്ട് പിറ്റേന്ന് പുലർച്ചെ 3.30-ന് ചെന്നൈയിലെത്തും.

ചെന്നൈ സെൻട്രല്‍-കോട്ടയം ട്രെയിൻ (06111) ഓഗസ്റ്റ് 26, സെപ്റ്റംബർ രണ്ട്, ഒൻപത് തീയതികളില്‍ രാത്രി 11.20-ന് പുറപ്പെട്ട് പിറ്റേന്ന് ഉച്ചയ്ക്ക് 1.30-ന് കോട്ടയത്തെത്തും. കോട്ടയം-ചെന്നൈ സെൻട്രല്‍ (06112) ഓഗസ്റ്റ് 27, സെപ്റ്റംബർ മൂന്ന്, 10 തീയതികളില്‍ വൈകീട്ട് ആറിന് പുറപ്പെട്ട് പിറ്റേന്ന് രാവിലെ 11.35-ന് ചെന്നൈയിലെത്തും.

അതേസമയം, ഓണക്കാലത്ത് ട്രെയിനുകളില്‍ വൻ തിരക്കായിരിക്കും എന്ന സൂചനകളാണ് ഇപ്പോള്‍ പുറത്തുവരുന്നത്. സെപ്റ്റംബർ രണ്ട്, മൂന്ന്, നാല് തീയതികളില്‍ പതിവു ട്രെയിനുകളിലെ ടിക്കറ്റുകള്‍ ബുക്കിങ് തുടങ്ങി മണിക്കൂറുകള്‍ക്കകം തന്നെ തീർന്നു.