കോ​ട്ട​യം റ​ബ​ർ ബോ​ർ​ഡി​ൽ ക്ല​ർ​ക്ക് ജോ​ലി വാ​ഗ്ദാ​നം ചെ​യ്ത് 3,83,583 രൂ​പ ത​ട്ടി​യ​യെടുത്തെന്ന പരാതി; ജി​ല്ല പൊ​ലീ​സ് സൂ​പ്ര​ണ്ടി​ന്റെ ഉ​ത്ത​ര​വ് പ്ര​കാ​രം നടത്തിയ തു​ട​ര​ന്വേണ റിപ്പോർട്ട് റദ്ദു ചെയ്തു; ​ഒരിക്കൽ അവസാനിപ്പിച്ച കേസ് തു​ട​ര​ന്വേ​ഷ​ണ​ത്തി​ന് ഉ​ത്ത​ര​വി​ടാ​ൻ മ​ജി​സ്ട്രേ​റ്റി​നോ മേ​ൽ​കോ​ട​തി​ക​ൾ​ക്കോ അ​ല്ലാ​തെ ജി​ല്ല പൊ​ലീ​സ് സൂ​പ്ര​ണ്ടി​ന് അ​ധി​കാ​ര​മി​ല്ലെ​ന്ന് സു​പ്രീം​കോ​ട​തി

സ്വന്തം ലേഖകൻ

ന്യൂ​ഡ​ൽ​ഹി: മ​ജി​സ്ട്രേ​റ്റി​നോ മേ​ൽ​കോ​ട​തി​ക​ൾ​ക്കോ അ​ല്ലാ​തെ തു​ട​ര​ന്വേ​ഷ​ണ​ത്തി​ന് ഉ​ത്ത​ര​വി​ടാ​ൻ ജി​ല്ല പൊ​ലീ​സ് സൂ​പ്ര​ണ്ടി​ന് അ​ധി​കാ​ര​മി​ല്ലെ​ന്ന് സു​പ്രീം​കോ​ട​തി . ഈ ​തു​ട​ര​ന്വേ​ഷ​ണം നി​യ​മ വി​രു​ദ്ധ​മാ​ണെ​ന്ന കേ​സി​ലെ പ്ര​തി​യാ​യി​രു​ന്ന ഹ​ര​ജി​ക്കാ​ര​നാ​യ പീ​താം​ബ​ര​ന്റെ വാ​ദം സു​പ്രീം​കോ​ട​തി അം​ഗീ​ക​രി​ച്ചു. ജി​ല്ല പൊ​ലീ​സ് സൂ​പ്ര​ണ്ട് ഇ​ന്ത്യ​ൻ പൊ​ലീ​സ് സ​ർ​വി​സി​ലെ ഒ​രു ഉ​ദ്യോ​ഗ​സ്ഥ​നാ​ണ്. അ​ദ്ദേ​ഹ​ത്തി​ന്റെ ഉ​ത്ത​ര​വ് ഒ​രു ജ​ഡ്ജി​യു​ടെ ഉ​ത്ത​ര​വ് പോ​ലെ​യ​ല്ല. അ​ത്ത​ര​മൊ​രു അ​ന്വേ​ഷ​ണ​ത്തി​ന് കോ​ട​തി​യു​ടെ അ​നു​മ​തി തേ​ടി​യി​ട്ടു​മി​ല്ല. അ​തി​നാ​ൽ എ​സ്.​ഐ അ​നി​ൽ കു​മാ​ർ സ​മ​ർ​പ്പി​ച്ച ര​ണ്ടാം എ​ഫ്.​ഐ.​ആ​റി​ന് അ​ടി​സ്ഥാ​ന​മി​ല്ല. സാ​മ്പ​ത്തി​ക ഇ​ട​പാ​ടു​ക​ൾ​ക്ക് രേ​ഖ​യി​ല്ലാ​ത്ത​തി​നാ​ൽ വ്യാ​ജ പ​രാ​തി​യാ​ണി​തെ​ന്ന് ഒ​ന്നാം എ​ഫ്.​ഐ.​ആ​റി​ൽ വ്യ​ക്ത​മാ​ക്കി​യ​താ​​ണ്. അ​തി​നാ​ൽ 2019 ന​വം​ബ​ർ ആ​റി​ലെ കേ​ര​ള ഹൈ​കോ​ട​തി വി​ധി റ​ദ്ദാ​ക്കു​ക​യാ​ണെ​ന്നും സു​പ്രീം​കോ​ട​തി.

തൊ​ഴി​ൽ ത​ട്ടി​പ്പു​കേ​സി​ൽ കേ​ര​ള ഹൈ​കോ​ട​തി വി​ധി റ​ദ്ദാ​ക്കി​യാ​ണ് ജ​സ്റ്റി​സു​മാ​രാ​യ കൃ​ഷ്ണ മു​രാ​രി, സ​ഞ്ജ​യ് ക​രോ​ൾ എ​ന്നി​വ​ര​ട​ങ്ങു​ന്ന ബെ​ഞ്ചി​ന്റെ വി​ധി. ഒ​രി​ക്ക​ൽ കേ​സ് ഡ​യ​റി അ​ട​ച്ചു​വെ​ച്ച് മ​ജി​സ്ട്രേ​റ്റ് മു​മ്പാ​കെ ന​ട​പ​ടി അ​വ​സാ​നി​പ്പി​ച്ച കേ​സി​ൽ കോ​ട്ട​യം ജി​ല്ല പൊ​ലീ​സ് സൂ​പ്ര​ണ്ട് തു​ട​ര​ന്വേ​ഷ​ണ​ത്തി​ന് ഉ​ത്ത​ര​വി​ട്ട​തും ര​ണ്ടാ​മ​ത് എ​ഫ്.​ഐ.​ആ​ർ സ​മ​ർ​പ്പി​ച്ച​തും നി​യ​മ​വി​രു​ദ്ധ​മാ​ണെ​ന്ന് ബെ​ഞ്ച് വി​ധി​ച്ചു.

തു​ട​ര​ന്വേ​ഷ​ണ​ത്തി​ന് ഉ​ത്ത​ര​വി​ടാ​നു​ള്ള അ​ധി​കാ​രം കേ​സ് പ​രി​ഗ​ണി​ച്ച മ​ജി​സ്ട്രേ​റ്റ് കോ​ട​തി​ക്കോ അ​തി​ന്റെ മേ​ൽ​കോ​ട​തി​ക​ൾ​ക്കോ ​ആ​ണെ​ന്നും അ​ന്വേ​ഷ​ണ ഏ​ജ​ൻ​സി​ക​ൾ​ക്ക​ല്ലെ​ന്നും നി​ര​വ​ധി സു​​പ്രീം​കോ​ട​തി വി​ധി​ക​ളു​ദ്ധ​രി​ച്ച് ബെ​ഞ്ച് അ​സ​ന്നി​ഗ്ധ​മാ​യി വ്യ​ക്ത​മാ​ക്കി. 1973ലെ ​ക്രി​മി​ന​ൽ ന​ട​പ​ടി ക്ര​മ​ത്തി​ലെ 190 വ​കു​പ്പു പ്ര​കാ​രം ഒ​രു കേ​സി​ൽ തു​ട​ര​ന്വേ​ഷ​ണ​ത്തി​ന് ഉ​ത്ത​ര​വി​ടാ​നു​ള്ള അ​ധി​കാ​രം മ​ജി​സ്ട്രേ​റ്റ് കോ​ട​തി​ക്കാ​ണെ​ന്നും എ​ന്നാ​ൽ അ​തേ കേ​സി​ൽ പു​ന​ര​ന്വേ​ഷ​ണ​ത്തി​നോ പു​തി​യ അ​ന്വേ​ഷ​ണ​ത്തി​നോ ഉ​ത്ത​ര​വി​ടേ​ണ്ട​ത് ഹൈ​കോ​ട​തി​യാ​ണെ​ന്നും വി​ധി തു​ട​ർ​ന്നു.

ഭാ​ര്യ​മാ​ർ​ക്ക് കോ​ട്ട​യം റ​ബ​ർ ബോ​ർ​ഡി​ൽ ക്ല​ർ​ക്ക് ജോ​ലി വാ​ഗ്ദാ​നം ചെ​യ്ത് 3,83,583 രൂ​പ ത​ട്ടി​യ​തി​നെ​തി​രെ സ​മ​ർ​പ്പി​ച്ച ഒ​രു കൂ​ട്ടം പ​രാ​തി​ക​ളാ​ണ് കേ​സി​നാ​ധാ​രം. 2015 ഒ​ക്ടോ​ബ​ർ 24ന് ​ര​ജി​സ്റ്റ​ർ ​ചെ​യ്ത എ​ഫ്.​ഐ.​ആ​ർ പ്ര​കാ​രം പ​രാ​തി​യു​മാ​യി ബ​ന്ധ​പ്പെ​ട്ട സാ​മ്പ​ത്തി​ക ഇ​ട​പാ​ടി​ന്റെ രേ​ഖ​ക​ൾ സ​മ​ർ​പ്പി​ക്കാ​ൻ പ​രാ​തി​ക്കാ​രോ​ട് ആ​വ​ശ്യ​പ്പെ​ട്ടെ​ങ്കി​ലും അ​തി​ന് ത​യാ​റാ​യി​ല്ല. അ​തി​നാ​ൽ തെ​ളി​വി​ല്ലാ​ത്ത വ്യാ​ജ കേ​സാ​ണെ​ന്ന് പൊ​ലീ​സ് റി​പ്പോ​ർ​ട്ടി​ൽ രേ​ഖ​പ്പെ​ടു​ത്തി. എ​ന്നാ​ൽ അ​തി​നു ശേ​ഷം കോ​ട്ട​യം ജി​ല്ല പൊ​ലീ​സ് സൂ​പ്ര​ണ്ടി​ന്റെ ഉ​ത്ത​ര​വ് പ്ര​കാ​രം വൈ​ക്കം എ​സ്.​ഐ അ​നി​ൽ കു​മാ​ർ തു​ട​ര​ന്വേ​ഷ​ണം ന​ട​ത്തി മ​റ്റൊ​രു എ​ഫ്.​ഐ.​ആ​ർ മ​ജി​സ്ട്രേ​റ്റ് കോ​ട​തി മു​മ്പാ​കെ സ​മ​ർ​പ്പി​ച്ചു.