കോട്ടയം റെയിൽവേ സ്‌റ്റേഷനിൽ ട്രെയിനിൽ നിന്നു വീണ് അപകടം; ആന്ധ്രസ്വദേശിയായ വീട്ടമ്മയ്ക്ക് പരിക്ക്

സ്വന്തം ലേഖകൻ

Link

Embed

Copy and paste this HTML code into your webpage to embed.

കോട്ടയം: കോട്ടയം റെയിൽവേ സ്‌റ്റേഷനിലെ ട്രെയിനിൽ നിന്നു വീണ യാത്രക്കാരിയ്ക്ക് പരിക്ക്. ആന്ധ്രസ്വദേശിയായ വീട്ടമ്മയ്ക്കാണ് പരിക്കേറ്റത്. ജനറൽ ടിക്കറ്റുമായി അബദ്ധവശാൽ എസി കംമ്പാർട്ടുമെന്റിൽ‌ കയറിയപ്പോൾ കാൽ വഴുതി പ്ലാറ്റ്ഫോമിലേക്ക് തലയടിച്ചു വീഴുകയായിരുന്നു.

പരിക്കേറ്റ് കിടന്ന ഇവരെ ഇവരെ ആർപിഎഫും റെയിൽവേ പൊലീസും ചേർന്ന് കോട്ടയം മെഡിക്കൽ കോളേജ് ആശുപത്രിയിൽ എത്തിച്ചു. വിജയവാഡയിലേയ്ക്കു പോകുന്നതിനാണ് ഇവർ ടിക്കറ്റെടുത്തത്.

തിങ്കളാഴ്ച രാവിലെയാണ് സംഭവം. ഒന്നാം നമ്പർ പ്ലാറ്റ്‌ഫോമിലാണ് അപകടം ഉണ്ടായത്. അപകടത്തിനുശേഷം സുരക്ഷാ ഉദ്യോ​ഗസ്ഥരും പൊലീസുകാരും വരുന്നതുവരെ അരമണിക്കൂറോളം യുവതി പ്ലാറ്റ്ഫോമിൽ കിടന്നതായും ആരോപണമുണ്ട്.