കോട്ടയം സർക്കിൾ സഹകരണ യൂണിയൻ്റെ നേതൃത്വത്തിൽ ഹെഡ്‌പോസ്‌റ്റ്‌ ഓഫീസിലേക്ക്‌ മാർച്ചും ധർണയും നടത്തി; അർബൻ ബാങ്ക്‌ ചെയർമാൻ ടി ആർ രഘുനാഥൻ ഉദ്‌ഘാടനം നിർവഹിച്ചു

കോട്ടയം: മൾട്ടിസ്‌റ്റേറ്റ്‌ സംഘങ്ങളുടെ വ്യാപനത്തിനെതിരെയും സഹകരണ മേഖലയെ തകർക്കുന്ന കേന്ദ്രനയങ്ങൾക്കെതിരെയും കോട്ടയം സർക്കിൾ സഹകരണ യൂണിയൻ്റെ നേതൃത്വത്തിൽ കോട്ടയം ഹെഡ്‌പോസ്‌റ്റ്‌ ഓഫീസിലേക്ക്‌ മാർച്ചും ധർണയും നടത്തി.

ധർണ കോട്ടയം അർബൻ ബാങ്ക്‌ ചെയർമാൻ ടി ആർ രഘുനാഥൻ ഉദ്‌ഘാടനം ചെയ്‌തു.

സർക്കിൾ സഹകരണ യൂണിയൻ ചെയർമാൻ കെ എം രാധാകൃഷ്‌ണൻ അധ്യക്ഷനായി.

കൺസ്യൂമർഫെഡ്‌ ഭരണസമിതിയംഗം ആർ പ്രമോദ്‌ചന്ദ്രൻ, സർക്കിൾ സഹകരണ യൂണിയൻ ഭരണസമിതിയംഗം പി വി പ്രശാന്ത്‌, മാത്തുക്കുട്ടി ഞായർകുളം എന്നിവർ സംസാരിച്ചു.