കാഞ്ഞിരപ്പള്ളി ഗവ. ജനറൽ ഹോസ്പിറ്റലിന്റെ സ്റ്റോർ റൂമിൽ അതിക്രമിച്ചു കയറി മോഷണം നടത്തിയ പ്രതി പൊൻകുന്നം പോലീസിന്റെ പിടിയിൽ

എറണാകുളം: കാഞ്ഞിരപ്പള്ളി ഗവ.ജനറൽ ആശുപത്രിയുടെ സ്റ്റോർ മുറിയിൽ അതിക്രമിച്ച് കയറി
3000/- രൂപയോളം വില വരുന്ന സാമഗ്രികൾ മോഷ്ടിച്ച പ്രതി പിടിയിൽ. മൂവാറ്റുപുഴ വാഴപ്പള്ളി പുത്തൻപുരയിൽ വീട്ടിൽ അർജുൻ സുരേഷ് (28 ) ആണ് പൊൻകുന്നം പോലീസിന്റെ പിടിയിലായത്.

കഴിഞ്ഞ 20ന് രാവിലെ മോഷണം നടത്തി രക്ഷപ്പെടാൻ ശ്രമിച്ച പ്രതിയെ ഹോസ്പിറ്റലിലെ ഡോക്ടറൂം മറ്റ് ജീവനക്കാരും ചേർന്ന് തടഞ്ഞുവെച്ച് പൊൻകുന്നം പോലീസിനെ വിവരമറിയിക്കുകയായിരുന്നു. സ്ഥലത്തെത്തിയ പൊൻകുന്നം പോലീസ് പ്രതിയെ അറസ്റ്റ് ചെയ്തു. കോടതിയിൽ ഹാജരാക്കി.

മൂവാറ്റുപുഴ പോലീസ് സ്റ്റേഷൻ റൗഡി ഹിസ്റ്ററി ലിസ്റ്റിൽ ഉൾപ്പെട്ട പ്രതി അർജുൻ
മൂവാറ്റുപുഴ സ്റ്റേഷനിൽ എൻ.ഡി.പി.എസ് ഉൾപ്പടെ 8കേസുകളിലും കോതമംഗലത്ത് 2 ,
പെരുമ്പാവൂർ സ്റ്റേഷനിൽ 1 കേസിലും പ്രതിയാണ്.