കോട്ടയം ജില്ലാ പോലീസിന്റെ നേതൃത്വത്തിൽ അതിഥി തൊഴിലാളികൾക്ക് സൗജന്യ മെഡിക്കൽ ക്യാമ്പ് നടത്തി

സ്വന്തം ലേഖിക

കോട്ടയം: ജില്ലാ പോലീസും, മീനടം എഫ് എച്ച് സിയും ചേർന്ന് അതിഥി തൊഴിലാളികൾക്കായി സൗജന്യ മെഡിക്കൽ ക്യാമ്പും ബോധവൽക്കരണ ക്ലാസും സംഘടിപ്പിച്ചു.

ബുധനാഴ്ച രാവിലെ 10 മണി മുതൽ പാമ്പാടി ഗ്രാമപഞ്ചായത്ത് കമ്മ്യൂണിറ്റി ഹാളിൽ വച്ച് നടന്ന പരിപാടി പാമ്പാടി എസ്.എച്ച്.ഓ പ്രശാന്ത് കുമാർ കെ. ആർ ഉദ്ഘാടനം ചെയ്തു. മീനടം പി എച്ച് സി മെഡിക്കൽ ഓഫീസർ ഡോക്ടർ രഞ്ജു, ഡോക്ടർ മനോജ്, ഡോക്ടർ പാർവതി തുടങ്ങിയവരുടെ നേതൃത്വത്തിലായിരുന്നു പരിശോധന. നൂറോളം അതിഥി തൊഴിലാളികൾ മെഡിക്കൽ ക്യാമ്പിൽ പങ്കെടുത്തു.