കോട്ടയം ജില്ലാ പൊലീസിന് അനുവദിച്ച ഗൂർഖാ ജീപ്പുകളുടെ ഫ്ലാഗ് ഓഫ് ഇന്ന്; നിരത്തിലിറങ്ങുന്നത് പത്ത് ജീപ്പുകളിൽ നാലെണ്ണം

സ്വന്തം ലേഖിക

കോട്ടയം: ജില്ലാ പൊലീസിന് അനുവദിച്ച പുതിയ ഗൂർഖാ ജീപ്പുകളിൽ നാലെണ്ണത്തിൻ്റെ ഫ്‌ളാഗ് ഓഫ് തിങ്കളാഴ്ച നടക്കും.

ഇന്ന് രാവിലെ പത്തിന് ജില്ലാ പൊലീസ് മേധാവിയുടെ ആസ്ഥാനത്ത് ജില്ലാ പൊലീസ് മേധാവി ഡി.ശില്പ വാഹനങ്ങൾ ഫ്ലാഗ് ഓഫ് ചെയ്യും.

സംസ്ഥാന പൊലീസിന് അനുവദിച്ച പത്ത് ഗൂർഖാ ജീപ്പുകളിൽ നാലെണ്ണമാണ് ഫ്ലാഗ് ഓഫ് ചെയ്യുന്നത്.

ജില്ലയിലെ നിരീക്ഷണ സംവിധാനം ശക്തമാക്കുന്നതിന്റെ ഭാഗമായാണ് പൊലീസ് വാഹനങ്ങൾ എത്തിക്കുന്നത്. അഡീഷണൽ എസ്.പി എസ്.സുരേഷ്‌കുമാർ ചടങ്ങിൽ പങ്കെടുക്കും.