കോട്ടയം ജില്ലാ പഞ്ചായത്ത് ദാരിദ്ര ലഘൂകരണ വിഭാഗം ഓഫീസിൽ ഇടത് അനുകൂല സംഘടനാ പ്രവർത്തകർ തമ്മിൽ പൊരിഞ്ഞ അടി; ഗസറ്റഡ് റാങ്കിലുള്ള വനിതാ ഉദ്യോഗസ്ഥ കീഴ് ജീവനക്കാരിയെ തല്ലി; ഒത്തുതീർപ്പിനായി നേതാക്കന്മാരുടെ നെട്ടോട്ടം

സ്വന്തം ലേഖകൻ

കോട്ടയം: ജില്ലാ പഞ്ചായത്തിലെ ദാരിദ്ര ലഘൂകരണ വിഭാഗം ഓഫീസിലെ ഗസറ്റഡ് റാങ്കിലുള്ള വനിതാ ഉദ്യോഗസ്ഥ കീഴ് ജീവനക്കാരിയെ തല്ലി.
മേലുദ്യോഗസ്ഥ കീഴുദ്യോഗസ്ഥയെ മർദ്ദിച്ചതിനേ തുടർന്ന് മറ്റ് ജീവനക്കാരും സംഘടിച്ചതോടെ ഓഫീസിൽ സംഘർഷാവസ്ഥയായി . വിവരം അറിഞ്ഞ് ഈസ്റ്റ് പൊലീസ് സംഘം എത്തി.

തല്ലിയതും തല്ല് കൊണ്ടതും ഇടത് സംഘടനാ പ്രവർത്തകരാണ്. ഇതോടെ പ്രശ്‌നം പരിഹരിക്കുന്നതിനായി നേതാക്കന്മാർ രാത്രി വൈകിയും നെട്ടോട്ടത്തിലാണ്.

ഇന്നലെ വൈകിട്ട് നടന്ന സംഭവത്തിൽ പെട്ട ജീവനക്കാർ തമ്മിൽ മുൻപും അഭിപ്രായ വ്യത്യാസമുണ്ടായിരുന്നതായി മറ്റ് ജീവനക്കാർ പറയുന്നു.