കോട്ടയം പാലായിൽ റോഡ് മുറിച്ചു കടക്കാൻ ശ്രമിക്കുന്നതിനിടെ മിനി ലോറിയിടിച്ച് വയോധികയ്ക്ക് ദാരുണാന്ത്യം; റോഡിൽ വീണ സ്ത്രീയുടെ തലയിലൂടെ ടയർ കയറിയിറങ്ങി

സ്വന്തം ലേഖകൻ

കോട്ടയം: പാലാ ബസ് സ്റ്റാൻഡിനുള്ളിലെക്ക് കയറുന്നതിനിടെ മിനി ലോറിയിടിച്ച് വയോധികയ്ക്ക് ദാരുണാന്ത്യം. ഏഴാച്ചേരി സ്വദേശി അറക്കൽ അന്നക്കുട്ടി (66) ആണ് മരിച്ചത്.

രാവിലെ 8:30 ഓടെ പാലാ പഴയ പ്രൈവറ്റ് ബസ്സ്റ്റാൻഡ് റോഡിൽ നിന്നും ബസിലേക്ക് കയറാൻ റോഡ് മുറിച്ചു കടക്കുമ്പോൾ മിനി ലോറി വന്നിടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ അന്നമ്മയുടെ തലയിലൂടെ ടയറുകൾ കയറി ഇറങ്ങുകയായിരുന്നു.

മൃതദേഹം പാലാ ജനറൽ ആശുപത്രിയിലേക്ക് മാറ്റി.