കോട്ടയം നാഗമ്പടത്ത് റെയില്വേയുടെ നടപ്പാലം പൂര്ത്തിയായി ; എംസി റോഡില് ഗുഡ്ഷെഡ് റോഡില്നിന്നും നാഗമ്പടം ബസ് സ്റ്റാന്ഡിലേക്കാണ് നടപ്പാലം നിര്മിച്ചിരിക്കുന്നത് ; പാലം ഈ മാസം അവസാനത്തോടെ പൊതുജനങ്ങൾക്കായി തുറന്നുകൊടുക്കും
സ്വന്തം ലേഖകൻ
കോട്ടയം: പാതയിരട്ടിപ്പിക്കലിന്റെയും കോട്ടയം റെയില്വേ സ്റ്റേഷന് യാര്ഡ് വികസനത്തിന്റെയും ഭാഗമായി നാഗമ്പടത്ത് പുതുതായി നിര്മിച്ച റെയില്വേ ഫുട് ഓവര് ബ്രിഡ്ജ് ഈ മാസം അവസാനത്തോടെ തുറന്നു കൊടുക്കും. എംസി റോഡില് നാഗമ്പടം ഗുഡ്ഷെഡ് റോഡില്നിന്നും നാഗമ്പടം ബസ് സ്റ്റാന്ഡിലേക്കാണ് നടപ്പാലം നിര്മിച്ചിരിക്കുന്നത്.
നേരത്തെയുണ്ടായിരുന്ന പഴയപാലം പൊളിച്ചുമാറ്റി വലതു ഭാഗത്തായിട്ടാണു പുതിയപാലം നിര്മിച്ചിരിക്കുന്നത്. 45 മീറ്റര് നീളവും മൂന്നു മീറ്റര് വീതിയുമുള്ള പുതിയപാലം മുഴുവനായും റൂഫ് ചെയ്തിട്ടുണ്ട്.
Whatsapp Group 1 | Whatsapp Group 2 |Telegram Group
പാലത്തിലും സ്റ്റെപ്പുകളിലും ടൈല് ഇടുന്നുണ്ട്. അടുത്തയാഴ്ച ടൈല് ഇടുന്ന ജോലികള് ആരംഭിക്കും. പാലത്തിന്റെ രണ്ടു വശങ്ങളിലും ഫൗണ്ടേഷന് ജോലികളും പൂര്ത്തിയാകാനുണ്ട്.
പഴയ പാലത്തിലൂടെയുള്ള ആളുകളുടെ യാത്ര നിരോധിച്ചായിരുന്നു. പഴയ പാലം പൊളിച്ചതും പുതിയ പാലം നിര്മിച്ചതും. ഈ സമയം റെയില്വേ ട്രാക്കിനു സമീപത്തുകൂടിയുള്ള ചെറിയ വഴിയിലൂടെയായിരുന്നു ആളുകളുടെ യാത്ര. നടപ്പാലം തുറക്കുന്നതോടെ നാഗമ്പടത്തുനിന്നും റെയില്വേ സ്റ്റേഷനിലേക്കും ബസ് സ്റ്റാന്ഡിലേക്കുമുള്ള യാത്ര സുഗമമാകും.