നാട്ടുകാരുടെ നടുവൊടിക്കാൻ നടുറോഡിൽ കുഴിയൊരുക്കി സ്വകാര്യ ടെലികോം കമ്പനി; കുഴിയിൽ വീണ് ബൈക്ക് യാത്രികന് പരിക്ക്

സ്വന്തം ലേഖകൻ
കോട്ടയം: മൂലവട്ടം മേൽപ്പാലത്തിന് സമീപം യു ജി കേബിൾ സ്ഥാപിക്കാനായി അധികൃതർ കുഴിച്ച കുഴിയിൽ വീണ് ബൈക്ക് യാത്രകാരന് പരിക്ക്. രാവിലെ 11.15നാണ് സംഭവം.

മൂലവട്ടം മേൽപാലത്തിനും മണിപ്പുഴ ജങ്ഷനുമിടയിലാണ് അപകടം നടന്നത്. കൊല്ലാട് ചൂളക്കവല സ്വദേശി ബേബിച്ചനാണ് അപകടത്തിൽപെട്ടത്.

നാട്ടുകാർ ചേർന്ന് ഇയാളെ സമീപത്തെ ആശുപത്രിയിലെത്തിച്ചു.

സ്വകാര്യ ടെലികോം കമ്പനി യു.ജി കേബിൾ സ്ഥാപിക്കാനായി എടുത്ത് കുഴി പണി തീർന്നിട്ടും അത് അടയ്ക്കുകയോ കോൺക്രീറ്റ് ചെയ്യുകയോ ചെയ്തിട്ടില്ല.

കുഴിയുടെ മുകളിൽ ചാക്കിട്ട് മൂടിയ നിലയിലാണ്. പല വാഹനങ്ങളും ഇതിൽ വന്ന് വീഴുന്നത് പതിവാണ്.

ഇതിനു മുൻപും നിരവധി ഇരുചക്രവാഹനയാത്രക്കാർ അപകടത്തിൽപെട്ടിട്ടുണ്ട്.