കോട്ടയം: കൊടും ചൂടില്‍ ആശ്വാസമേകാൻ ഒരു കിടിലൻ മില്‍ക്ക് ഷേക്ക് റെസിപ്പി ആയാലോ? എളുപ്പത്തില്‍ തയ്യാറാക്കാവുന്ന മൊക്കോ മില്‍ക്ക് ഷെയ്ക്ക് റെസിപ്പി നോക്കാം.
ആവശ്യമായ ചേരുവകള്‍
1. പാല്‍ – മുക്കാല്‍ കപ്പ്
ക്രീം – കാല്‍ കപ്പ്
ബ്രൗണ്‍ഷുഗർ – ഒരു വലിയ സ്പൂണ്‍
2. കൊക്കോ പൗഡർ – രണ്ടു വലിയ സ്പൂണ്‍
ഇൻസ്റ്റന്റ് കോഫി പൗഡർ – ഒരു വലിയ സ്പൂണ്‍
3. ഐസ് ക്യൂബ് – ആറ്
4. വിപ്പ്ഡ് ക്രീം – അലങ്കരിക്കാൻ
5. ചോക്‌ലെറ്റ് ഗ്രേറ്റ് ചെയ്തത് – അലങ്കരിക്കാൻ
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
ഒന്നാമത്തെ ചേരുവ യോജിപ്പിച്ചു നന്നായി അടിക്കുക. കൊക്കോ പൗഡറും കാപ്പിപ്പൊടിയും യോജിപ്പിച്ച്‌, ചെറുചൂടുവെള്ളത്തില്‍ ചേർത്തിളക്കി അലിയിച്ചു ചൂടാറാൻ വയ്ക്കണം. ഒന്നാമത്തെ ചേരുവ അടിച്ചതില്‍ കൊക്കോ-കോഫി മിശ്രിതം ചേർത്തിളക്കി ഐസും ചേർത്തു വീണ്ടും നന്നായി അടിക്കണം. വിളമ്പാനുള്ള ഗ്ലാസുകളില്‍ ഒഴിച്ച്‌, മുകളില്‍ ക്രീം വച്ച്‌, ഗ്രേറ്റഡ‍് ചോക്‌ലെറ്റ് വിതറി അലങ്കരിച്ചു വിളമ്പാം.
