ഗാന്ധിനഗർ: കോട്ടയം മെഡിക്കൽ കോളജിൽ നിർമാണം പൂർത്തിയായ വിവിധ പദ്ധതികളുടെ ഉദ്ഘാടനം ഇന്നു വൈകുന്നേരം നാലിന് മെഡിക്കൽ കോളജ് അങ്കണത്തിൽ നടക്കും.
36.41 കോടി രൂപ മുടക്കി 200 കിടക്കകളോടുകൂടി നിർമിച്ച കാർഡിയോളജി ആൻഡ് കാർഡിയോ തൊറാസിക് യൂണിറ്റ്, എസ്എഎസ് സിഐ പദ്ധതിയിലുൾപ്പെടുത്തി 10 കോടിയുടെ ആധുനിക ഉപകരണങ്ങൾ, പിന്നാക്ക വിഭാഗ കോർപറേഷന്റെ സിഎസ്ആർ ഫണ്ടിൽനിന്നു ലഭിച്ച 22 ലക്ഷം രൂപ മുടക്കി നിർമിച്ച 1.5 ടൺ സംഭരണശേഷിയുള്ള ബയോഗ്യാസ് പ്ലാന്റ് എന്നിവയുടെ ഉദ്ഘാടനമാണ് നടക്കുന്നത്.
മന്ത്രി വി.എൻ. വാസവൻ അധ്യക്ഷത വഹിക്കുന്ന സമ്മേളത്തിൽ ആരോഗ്യ മന്ത്രി വീണാ ജോർജ് ഉദ്ഘാടനം നിർവഹിക്കും. ഫ്രാൻസിസ് ജോർജ് എംപി മുഖ്യ പ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, അഡീഷണൽ ചീഫ് സെക്രട്ടറി ഡോ. രാജൻ എൻ. ഖോബ്രഗഡെ, ആരോഗ്യ വിദ്യാഭ്യാസ ഡയറക്ടർ ഡോ.കെ.വി. വിശ്വനാഥൻ, കളക്ടർ ചേതൻ കുമാർ മീണ, എന്നിവർ പ്രസംഗിക്കും.
Whatsapp Group 1 | Whatsapp Group 2 |Telegram Group