സ്വന്തം ലേഖകൻ
ഗാന്ധിനഗർ: കോട്ടയം മെഡിക്കൽ കോളജിലെ കമ്പ്യൂട്ടറുകൾ തകരാറിലായതോടെ രോഗികളും ജീവനക്കാരും വലഞ്ഞു. ഒപി ചീട്ട് എടുക്കുന്ന കൗണ്ടറുകളിലെ മുഴുവൻ കന്പ്യൂട്ടറുകളും തകരാറിലായത് . രാവിലെ 7.30നാണ് ഒപി ചീട്ട് കൗണ്ടറുകളുടെ പ്രവർത്തനം തുടങ്ങുന്നത്.
പുലർച്ചെ അഞ്ചു മുതൽ ഇടുക്കി, പത്തനംതിട്ട, എറണാകുളം, ആലപ്പുഴ ജില്ലകളിൽ നിന്നെത്തുന്ന രോഗികളോ കൂട്ടിരിപ്പുകാരോ ചീട്ടെടുക്കാൻ ക്യൂ നിൽക്കാറുണ്ട്.തിങ്കളാഴ്ചയായതിനാൽ നല്ല തിരക്കുമുണ്ടായിരുന്നു. പൊതുജനങ്ങൾക്കായി ആറ് കൗണ്ടറുകളും ജീവനക്കാർക്ക് ഒരു കൗണ്ടറുമായി ഏഴ് കൗണ്ടറുകളുമാണു മെഡിക്കൽ കോളജിൽ ഒപി ടിക്കറ്റെടുക്കുവാൻ നിലവിലുള്ളത്.
Whatsapp Group 1 | Whatsapp Group 2 |Telegram Group
ഇന്നലെ മണിക്കൂറുകളോളം ക്യൂ നിന്നവരാണു കന്പ്യൂട്ടർ തകരാറിലായതോടെ ബുദ്ധിമുട്ടിലായത്.പിന്നീട് രാവിലെ പത്തോടെ സിസ്റ്റം പ്രവർത്തന സജ്ജമാക്കിയതോടെ പ്രശ്നം പരിഹരിച്ചു. യുപിഎസ് സംവിധാനം തകരാറാലായതാണെന്നും പ്രശ്നം താൽകാലികമായി പരിഹരിച്ചെന്നും മെഡിക്കൽ കോളജ് അധികൃതർ അറിയിച്ചു.
