കോട്ടയം മെഡിക്കല്‍ കോളജ് കോമ്പൗണ്ടിനുള്ളില്‍ കാറിടിച്ച്‌ കാല്‍നടയാത്രികന് ഗുരുതര പരിക്ക്; പരിക്കേറ്റത് തിരുവഞ്ചൂര്‍ പള്ളിവാതില്‍ക്കല്‍ സ്വദേശിക്ക്

സ്വന്തം ലേഖിക

ഗാന്ധിനഗര്‍: മെഡിക്കല്‍ കോളജ് കോമ്പൗണ്ടിനുള്ളില്‍ കാറിടിച്ച്‌ കാല്‍നട യാത്രികനു ഗുരുതര പരിക്ക്.

തിരുവഞ്ചൂര്‍ പള്ളിവാതില്‍ക്കല്‍ ജോയിക്കാണ് പരിക്കേറ്റത്.

ഇന്നലെ വൈകുന്നേരം ആറിനു പൊടിപാറ ബില്‍ഡിംഗിനു സമീപമായിരുന്നു അപകടം.

നടന്നുപോയ ജോയി വാഹനങ്ങള്‍ പ്രവേശിക്കാതിരിക്കാന്‍ സ്ഥാപിച്ചിരിക്കുന്ന ചങ്ങലയില്‍ തട്ടി റോഡിലേക്കു വീഴുകയായിരുന്നു. ഈ സമയം റോഡിലൂടെ വന്ന കാര്‍ ഇദ്ദേഹത്തെ ഇടിക്കുകയായിരുന്നു.

ഉടന്‍തന്നെ അത്യാഹിത വിഭാഗത്തില്‍ പ്രവേശിപ്പിച്ചു.
തലയ്ക്ക് പരിക്കേറ്റതിനെത്തുടര്‍ന്ന് ബോധം നഷ്ടപ്പെട്ടതിനാല്‍ ഇദ്ദേഹത്തെ ഐസിയുവില്‍ പ്രവേശിപ്പിച്ചു.