കോട്ടയത്ത് എംഡിഎംഎയുമായി രണ്ട് യുവാക്കൾ പിടിയിൽ; 3.8 ഗ്രാം മയക്കുമരുന്ന് പ്രതികളിൽ നിന്ന് കണ്ടെടുത്തു; പിടിയിലായത് ചങ്ങനാശ്ശേരി വാഴപ്പള്ളി സ്വദേശികൾ

സ്വന്തം ലേഖകൻ

കോട്ടയം: ന​ഗരമധ്യത്തിൽ നിന്ന് എംഡിഎംഎയുമായി രണ്ട് യുവാക്കൾ പിടിയിൽ. ചങ്ങനാശ്ശേരി വാഴപ്പള്ളി പുത്തൻപുരയ്ക്കൽ ഷോൺ കുര്യൻ, മഞ്ചേരിക്കളം വീട്ടിൽ ജോസഫ് സ്കറിയ എന്നിവരാണ് അറസ്റ്റിലായത്. പ്രതികളിൽ നിന്ന് 3.8 ഗ്രാം രാസലഹരിമരുന്ന് കണ്ടെടുത്തു.

കോട്ടയം എക്‌സൈസ് റേഞ്ച് ഓഫീസിലെ എക്സൈസ് ഇൻസ്‌പെക്ടർ ചെറിയാനും, സംഘവും ചേർന്നാണ് പ്രതികളെ പിടികൂടിയത്.

എംഡിഎംഎ കടത്തിയ ആഡംബര ബൈക്കും, പ്രതികളുടെ മൊബൈൽ ഫോണും പ്രതികളിൽ നിന്നും പിടിച്ചെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.