കോട്ടയം മണർകാട് തീ പിടുത്തം : തടി ഉരുപ്പടികൾ സൂക്ഷിച്ചിരുന്ന താല്ക്കാലിക ഷെഡ് പൂർണ്ണമായും കത്തി നശിച്ചു

സ്വന്തം ലേഖകൻ
മണർകാട്: കോട്ടയം മണർകാട് തടി ഉരുപ്പടികൾ സൂക്ഷിച്ചിരുന്ന താല്ക്കാലിക ഷെഡിന് തീപിടിച്ചു. ഷെഡ് പൂർണ്ണമായും കത്തി നശിച്ചു.

ഇന്നലെ രാത്രി പത്തേമുക്കാലോടെയാണ് സംഭവം. കാവുംപടി മാലം പുത്തനാടിയ്ക്കൽ സുധാകരൻ്റെ പഴയ വീട് പൊളിച്ചുമാറ്റിയതിൽ ഉണ്ടായിരുന്ന കട്ടിളയും മരപ്പലകകളും അടുക്കി വച്ചിരുന്ന താല്ക്കാലിക ഷെഡ്ഡിനാണ് തീപിടിച്ചത്.

ഇതിന് സമീപത്തെ വീട്ടുകാർ മാലിന്യങ്ങൾ കത്തിച്ചപ്പോഴുണ്ടായിരുന്ന തീ പടർന്നു പിടിക്കുകയായിരുന്നു. തുടർന്ന് തീ പറമ്പി ലേയ്ക്കും പടർന്നു.

വിവരം അറിഞ്ഞ് പാമ്പാടി അഗ്നിശമന സേനയിൽ നിന്നും രണ്ട് യൂണിറ്റ് എത്തി തീ അണച്ചു.