കോട്ടയത്ത് ടോറസ് ലോറി ഇടിച്ച് ബൈക്ക് യാത്രക്കാരന് ​ പരിക്ക്; അപകടം നടന്നത് ബേക്കർ ജം​ഗ്ഷനിൽ ;പരിക്കേറ്റ അമയന്നൂർ സ്വദേശിയെ മെഡിക്കൽ കോളേജിൽ പ്രവേശിപ്പിച്ചു

സ്വന്തം ലേഖിക

കോട്ടയം : കോട്ടയം ബേക്കർ ജംഗ്ഷനിൽ ടോറസ് ലോറി ഇടിച്ച് ബൈക്ക് യാത്രക്കാരന് പരിക്ക്. നാഗമ്പടം ഭാഗത്തേക്ക് പോവുകയായിരുന്ന ടോറസ് ലോറി ഇതേ ദിശയിൽ പോകുകയായിരുന്ന ബൈക്കിൽ ഇടിച്ചാണ് അപകടമുണ്ടായത് .

അപകടത്തെ തുടർന്ന് കൈയ്ക്ക് പരിക്കേറ്റ അമയന്നൂർ സ്വദേശിയായ ഒ.എ ജോണിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

ശനിയാഴ്ച ഉച്ചയ്ക്ക് രണ്ട് മണിയോടെയാണ് അപകടം ഉണ്ടായത് . റോഡിൽ വാഹനം മറിഞ്ഞു വീഴുന്നത് കണ്ടു വഴി യാത്രക്കാർ ബഹളം വെച്ചതോടെ ആണ് ടോറസ് ലോറി നിർത്തിയത്.

വിവരമറിഞ്ഞ് സ്ഥലത്തെത്തിയ ട്രാഫിക് പൊലീസ് പരിക്കേറ്റയാളെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.