കോട്ടയം നാട്ടകത്ത് ബൈക്കിൽ കെ എസ് ആർ ടി സി ബസിടിച്ച് അപകടം; പരിക്കേറ്റ് ചികിത്സയിലായിരുന്ന യുവാവ് മരിച്ചു

സ്വന്തം ലേഖകൻ

കോട്ടയം; നാട്ടകത്ത് കെ എസ് ആർ ടിസി ബസ് ബൈക്കിലിടിച്ചുണ്ടായ അപകടത്തിൽ പരിക്കേറ്റ് ചിക്ത്സയിലായിരുന്ന യുവാവ് മരിച്ചു. കുമരകം അട്ടിപീടിക വലിയകുളത്തിനു സമീപം മായിക്കാട് വീട്ടിൽ വി.ആർ സുനിലിന്റെ മകൻ റാം വിനായക് (കിച്ചു 21) ആണ് മരിച്ചത്.

ഈ മാസം മുന്നിന് നാട്ടകം ഭാഗത്തു വെച്ച് റാം വിനായകും സുഹൃത്തും സഞ്ചരിച്ചിരുന്ന ഡ്യുക്ക് ബൈക്കിൽ കെ.എസ്.ആർ.റ്റി.സി ബസ് ഇടിച്ചാണ് അപകടമുണ്ടായത്. പരുക്കേറ്റു ഇരുവരും കോട്ടയം മെഡിക്കൽ കോളേജിൽ ചികിത്സയിലായിരുന്നു .

ഏറ്റുമാനൂർ മംഗളം കോളേജിലെ ബി.കോം വിദ്യാർത്ഥിയാണ്. പരേതൻ മാതാവ് രജിനി. സഹോദരൻ നന്ദകിഷോർ. സംസ്ക്കാരം ഞായറാഴ്ച നടത്തും.