കോട്ടയം ജില്ല ആശുപത്രിയിൽ ഹൗസ് സർജൻസി ഡോക്ടർമാരെ സീനിയോറിറ്റി മറികടന്ന് നിയമിക്കാൻ നീക്കം

സ്വന്തം ലേഖകൻ

കോട്ടയം: കോട്ടയം ജില്ല ആശുപത്രിയിൽ ഹൗസ് സർജൻസി ഡോക്ടർമാരെ സിനിയോറിറ്റി മറികടന്ന് നിയമിക്കാൻ നീക്കം നടക്കുന്നതായി തേർഡ് ഐ ന്യൂസിന് വിവരം ലഭിച്ചു.

ഹൗസ് സർജൻസി ഡോക്ടർമാരുടെ കംപ്ലീഷൻ പീരിഡ് ആയ ഒരു വർഷം തികയുന്നതിന് മുൻപ് കംപ്ലീഷൻ സർട്ടിഫിക്കറ്റ് നല്കിയതിന്റെ പേരിലും ജില്ലാ ആശുപത്രി കഴിഞ്ഞ മാസം വിവാദത്തിൽ കുടുങ്ങിയിരുന്നു.

സിനിയോറിറ്റി മറികടന്ന് ഹൗസ്സർജന്മാരെ നിയമിക്കുന്നത് മൂലം അർഹരായ ഉദ്യോ​ഗാർത്ഥികളുടെ അവസരമാണ് നഷ്ടപ്പെടുന്നത്. സിനിയോറിറ്റി ലിസ്റ്റിലുള്ള ഉദ്യോ​ഗാർത്ഥികൾ ഹൈക്കോടതിയെ സമീപിക്കാൻ ഒരുങ്ങുകയാണ്.