കോട്ടയം നഗരമധ്യത്തിൽ ബോട്ട്ജെട്ടി റോഡിന് സമീപം തീപിടുത്തം; തീപിടിത്തമുണ്ടായത് വാഹനം പൊളിച്ച് വിൽക്കുന്നവർ അലക്ഷ്യമായി കൂട്ടിയിട്ട മാലിന്യത്തിന്

സ്വന്തം ലേഖകൻ

കോട്ടയം: ന​ഗരമധ്യത്തിൽ ബോട്ട്ജെട്ടി റോഡിൽ തീപിടുത്തം. പഴയ വാഹനങ്ങൾ പൊളിച്ചു വില്ക്കുന്ന വ്യാപാരികൾ വാഹനങ്ങളുടെ വേസ്റ്റും ഓയിലും പ്ലാസ്റ്റിക്കും അലക്ഷ്യമായി കൂട്ടിയിട്ട സ്ഥലത്താണ് തീപിടുത്തമുണ്ടായത്. ഉച്ചയ്ക്ക് 1.30ഓടെയാണ് തീപിടുത്തമുണ്ടായത്.

വാഹനങ്ങൾ പൊളിക്കുമ്പോൾ ഉണ്ടാകുന്ന ഓയിലും, ​ഗ്രീസും അ​ഗ്നിബാധയ്ക്ക് സാധ്യതയുള്ള വേസ്റ്റുകളും അലക്ഷ്യമായാണ് ഇവിടെ കൂട്ടിയിട്ടിരിക്കുന്നത്.

ബോട്ട് ജെട്ടി റോഡിന്റെ ഇരുവശങ്ങളിലും പൊളിച്ചതും പൊളിക്കാനുള്ളതുമായ വാഹനങ്ങളും കൂട്ടിയിട്ടിരിക്കുകയാണ്. ഇത് ​ ഗതാ​ഗത തടസ്സമുണ്ടാക്കുന്നതായും നാട്ടുകാർ പറയുന്നു.

തിരക്കേറിയ റോഡിലെ അ​ഗ്നിബാധ നാട്ടുകാരിൽ ആശങ്കയുണ്ടാക്കി. വിവരമറിഞ്ഞതിനെത്തുടർന്ന് കോട്ടയം ഫയർഫോഴ്സ് ഓഫിസർ അനൂപും സംഘവും സ്ഥലത്തെത്തി തീയണച്ചു.