കോട്ടയം ഏറ്റുമാനൂരിൽ പൂട്ടിയിട്ടിരുന്ന വീട് കുത്തിതുറന്ന് മോഷണം; നാലു ലക്ഷം രൂപ മോഷണം പോയതായി പരാതി; അന്വേഷണം ആരംഭിച്ച് പൊലീസ്

സ്വന്തം ലേഖകൻ

കോട്ടയം: ഏറ്റുമാനൂരിൽ പൂട്ടിയിട്ടിരുന്ന വീട് കുത്തിതുറന്ന് മോഷണം. അതിരമ്പുഴ റെയിൽവേ ഗേറ്റ് റോഡിന് സമീപം ബാബു മൻസിലിൽ ഹഫീസിൻ്റെ വീട്ടിലാണ് മോഷണം നടന്നത്. നാലു ലക്ഷം രൂപ കവർന്നതായി പരാതി.

വീട്ടുകാർ എറണാകുളത്തു പോയ സമയത്താണ് മോഷണം നടന്നത്. ഇന്ന് വൈകുന്നേരം തിരികെ വീട്ടിലെത്തിയപ്പോഴാണ് മോഷണവിവരം അറിയുന്നത്.

വീടിൻ്റെ മുൻവശത്തെ കതക് കുത്തിത്തുറന്നു അകത്ത് കയറിയ മോഷ്ടാക്കൾ അലമാരയിൽ സൂക്ഷിച്ചിരുന്ന നാലുലക്ഷം രൂപ കവർന്നതായാണ് വീട്ടുകാർ പറയുന്നത്. ഏറ്റുമാനൂർ പോലീസ് സ്ഥലത്തെത്തി തുടർ നടപടികൾ സ്വീകരിച്ചു.