കോട്ടയം ഈരാറ്റുപേട്ടയിൽ അമിതവേ​ഗതയിലെത്തിയ കാർ നിർത്തിയിട്ടിരുന്ന സ്വകാര്യ ബസിന്റെ പിന്നിലിടിച്ചു; കാർ യാത്രികന് സാരമായി പരിക്കേറ്റു

സ്വന്തം ലേഖകൻ

പാലാ: ഈരാറ്റുപേട്ടയിൽ അമിതവേ​ഗതയിലെത്തിയ കാർ നിർത്തിയിട്ടിരുന്ന സ്വകാര്യ ബസിന്റെ പിന്നിലിടിച്ചു. അപകടത്തിൽ കാർ യാത്രികന് സാരമായി പരിക്കേറ്റതായാണ് വിവരം. ഈരാറ്റുപേട്ട റൂട്ടിൽ അമ്പാറ ചുങ്കപ്പാറയിലാണ് അപകടം.

കാറിന്റെ മുൻവശം പൂർണമായി തകർന്നു. തുടർന്ന് കാർ വെട്ടിപ്പൊളിച്ചാണ് അപകടത്തിൽപ്പെട്ടയാളെ പുറത്തെടുത്തത്.

ഈരാറ്റുപേട്ടയ്ക്ക് പോവുകയായിരുന്ന ആമീസ് ബസിന്റെ പുറകിൽ കാർ വന്ന് ഇടിക്കുകയായിരുന്നു. അപകടത്തെ തുടർന്ന് ഏറെ നേരം ഇവിടെ ഗതാഗത കുരുക്കും ഉണ്ടായി.