കോട്ടയം നഗരത്തിൽ വൈദ്യുതി മുടങ്ങിയിട്ട് മണിക്കൂറുകൾ; വൈദ്യുതിമുടക്കത്തിന് കാരണക്കാരൻ പെരുമ്പാമ്പ്

സ്വന്തം ലേഖകൻ

കോട്ടയം: നഗരത്തിൽ വൈദ്യുതി മുടങ്ങിയിട്ട് മണിക്കൂറുകളായി. വൈദ്യുതി മുടക്കത്തിന് കാരണക്കാരനെ കണ്ടെത്തിയപ്പോൾ ഞെട്ടി കെഎസ്ഇബി ഉദ്യോ​ഗസ്ഥർ.

രാവിലെ മുതൽ നഗരത്തിൽ വൈദ്യുതി മുടക്കമാണ്. കാരണം അന്വേഷിച്ചപ്പോൾ കോടിമത സബ്സ്റ്റേഷനിലെ അഗ്നിബാധയുണ്ടായെന്നാണ് ഉദ്യോഗസ്ഥർ പറഞ്ഞത്. ഉദ്യോഗസ്ഥരെത്തി പരിശോധന നടത്തിയപ്പോഴാണ് കോടിമത സബ് സ്റ്റേഷനിലെ ട്രാൻസ്ഫോർമറിന്റെ പാനലിനുള്ളിൽ കുടുങ്ങിയ പെരുമ്പാമ്പിനെ കണ്ടെത്തുന്നത്.

പെരുമ്പാമ്പ് പാനലിനുള്ളിൽ അകപ്പെട്ടതോടെ ഷോർട്ട് സർക്യൂട്ട് ഉണ്ടായി. തുടർന്ന് അഗ്നിബാധയുണ്ടാകുകയുമായിരുന്നു.

കഞ്ഞിക്കുഴി, ചെങ്ങളം സബ്സ്റ്റേഷനുകളിൽ നിന്നുമാണ് നഗരത്തിൽ താല്ക്കാലികമായി വൈദ്യുതി എത്തിക്കുന്നത്. കോടിമത സബ്സ്റ്റേഷനിലെ തകരാർ പരിഹരിച്ച് ന​ഗരത്തിൽ വൈദ്യുതി വിതരണം പഴയതുപോലെ പുനസ്ഥാപിക്കാനുള്ള ശ്രമത്തിലാണ് കെ എസ് ഇ ബി ഉദ്യോ​ഗസ്ഥർ.