കോട്ടയം പാലായിൽ തെരുവുനായ ആക്രമണം; ബസ് സ്‌റ്റോപ്പിലേക്ക് പോകവെ തൊടുപുഴ സ്വദേശിയായ വീട്ടമ്മയ്ക്ക് നായയുടെ കടിയേറ്റ് പരിക്ക്

സ്വന്തം ലേഖിക

കോട്ടയം: സംസ്ഥാനത്ത് വീണ്ടും തെരുവുനായ ആക്രമണം. പാലായില്‍ വീട്ടമ്മയ്ക്ക് തെരുവുനായയുടെ കടിയേറ്റു.
തൊടുപുഴ സ്വദേശി സാറാമ്മയ്ക്കാണ് കടിയേറ്റത്. വീട്ടമ്മയുടെ വലതു കാലിലാണ് നായ കടിച്ചത്.

പരിക്കേറ്റ സാറാമ്മയെ പാലാ താലൂക്ക് ആശുപത്രിയില്‍ പ്രവേശിപ്പിച്ചു. പാലാ കുരിശുപള്ളിക്കവലയില്‍ വെച്ചാണ് സാറാമ്മയ്ക്ക് നായയുടെ കടിയേറ്റത്.

ഭരണങ്ങാനം പള്ളിയില്‍ ദര്‍ശനത്തിന് ശേഷം വീട്ടിലേക്ക് പോകാനായി ബസ് സ്റ്റോപ്പിലേക്ക് നടക്കുമ്ബോഴാണ് നായ കടിച്ചതെന്ന് സാറാമ്മ പറഞ്ഞു. റിട്ടയേഡ് മൃഗസംരക്ഷണ വകുപ്പ് ജീവനക്കാരിയാണ്.