കോട്ടയം : ചുങ്കം പാലത്തിന് സമീപം നിയന്ത്രണം നഷ്ടമായ കാർ വൈദ്യുതി പോസ്റ്റിലിടിച്ചശേഷം തലകീഴായി മറിഞ്ഞ് അപകടം. യാത്രക്കാരായ യുവാക്കൾ അത്ഭുതകരമായി രക്ഷപെട്ടു. ചുങ്കം വാരിശ്ശേരി സ്വദേശികളായ യുവാക്കളാണ് കാറിലുണ്ടായിരുന്നത്.
കാർ പൂർണ്ണമായും തകർന്നു. അപകടത്തിനു ശേഷം ചുങ്കം ഭാഗത്ത് ഒരുമണിക്കൂറിലധികം ഗതാഗതം തടസ്സപെട്ടു. വെസ്റ്റ് പൊലീസ് സ്ഥലത്തെത്തി ഗതാഗതം പൂർവ്വ സ്ഥിതിയിലാക്കി.
